ଭୁବନେଶ୍ଵର, ୨୫/୦୪ : ସାରା ରାଜ୍ୟରେ ଅଗ୍ନିବର୍ଷା। କଲବଲ କଲା ତାତି। ଦିନ ସାଢେ ୧୧ଟା ସୁଦ୍ଧା ୪୧ ଡିଗ୍ରୀ ଟପିଲା ତାପମାତ୍ରା। ଭୁବନେଶ୍ଵରରେ ସର୍ବାଧିକ ୪୧.୧ ଡିଗ୍ରୀ ତାପମାତ୍ରା ରେକର୍ଡ। ସେହିପରି ବାଲେଶ୍ଵର ଓ ଚାନ୍ଦବାଲିରେ ୪୧ ଡିଗ୍ରୀ ରେକର୍ଡ ହୋଇଛି। ଝାରସୁଗୁଡ଼ାରେ ୪୦.୪ ଡିଗ୍ରୀ, ହୀରାକୁଦରେ ୪୦.୨ ଡିଗ୍ରୀ, କେନ୍ଦୁଝରରେ ୩୯.୬ ଡିଗ୍ରୀ, ସମ୍ଵଲପୁରରେ ୩୯ ଡିଗ୍ରୀ, ରାଉରକେଲାରେ ୩୮.୮ ଡିଗ୍ରୀ, ପାରାଦ୍ଵୀପରେ ୩୪.୨ ଡିଗ୍ରୀ, ପୁରୀରେ ୩୪.୨ ଡିଗ୍ରୀ, ଗୋପାଳପୁରରେ ୩୪ ଡିଗ୍ରୀ ରେକର୍ଡ ହୋଇଛି।  

୨ ଦିନ ପାଇଁ ରେଡ ଓ୍ବାର୍ଣ୍ଣିଂ ଜାରି

ସାରା ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି। ସକାଳୁ କଲବଲ କରୁଛି ତାତି। ମୁଣ୍ଡଫଟା ଖରାରେ ସନ୍ତୁଳି ହେଉଛନ୍ତି ରାଜ୍ୟବାସୀ। ସକାଳୁ ବହୁଛି ଝାଞ୍ଜି ପବନ। ଗୁରୁବାର ସକାଳ ସାଢେ ୮ଟା ସୁଦ୍ଧା ୩୬ ଡିଗ୍ରୀରେ ପହଞ୍ଚିଲା ତାପମାତ୍ରା। ବାଲେଶ୍ଵର ଓ ଅନୁଗୁଳରେ ରେକର୍ଡ ହୋଇଛି ୩୬ ଡିଗ୍ରୀ। ସେହିପରି ତାଳଚେରରେ ୩୫.୨ ଡିଗ୍ରୀ, ବାରିପଦାରେ ୩୫ ଡିଗ୍ରୀ, ଭବାନୀପାଟଣାରେ ୩୫ ଡିଗ୍ରୀ, କେନ୍ଦୁଝରରେ ୩୪.୮ ଡିଗ୍ରୀ, କଟକରେ ୩୪.୬ ଡିଗ୍ରୀ, ଝାରସୁଗୁଡ଼ାରେ ୩୪.୨ ଡିଗ୍ରୀ, ଭୁବନେଶ୍ଵରରେ ୩୩.୮ ଡିଗ୍ରୀ, ଭଦ୍ରକରେ ୩୩.୮ ଡିଗ୍ରୀ, ନୟାଗଡ଼ରେ ୩୩.୬ ଡିଗ୍ରୀ, ଚାନ୍ଦବାଲିରେ ୩୩.୬ ଡିଗ୍ରୀ, ଟିଟଲାଗଡ଼ରେ ୩୩.୪ ଡିଗ୍ରୀ, ହୀରାକୁଦରେ ୩୨.୮ ଡିଗ୍ରୀ, ସମ୍ବଲପୁରରେ ୩୨.୪ ଡିଗ୍ରୀ, ଏବଂ ସୋନପୁରରେ ୩୨.୨ ଡିଗ୍ରୀ ରେକର୍ଡ ହୋଇଛି।