ପ୍ରମୂଖ ଖବର
  • ଭୁବନେଶ୍ଵର : ପ୍ରକାଶ ପାଇଲା OSSTET ପରୀକ୍ଷା ଫଳ, ୱେବସାଇଟରୁ ମିଳିବ ଡିଜିଟାଲ ସାର୍ଟିଫିକେଟ
  • ||
  • ଭୁବନେଶ୍ଵର : ବାଚସ୍ପତି ପ୍ରାର୍ଥୀ ହେଲେ ସୁରମା ପାଢୀ, ଭରିଲେ ନାମାଙ୍କନ ପତ୍ର
  • ||
  • ପୁରୀ : ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିରେ ବିଳମ୍ବ, ବିବାଦ ଯୋଗୁଁ ଅଟକିଛି ନୀତିକାନ୍ତି
  • ||
  • ଭୁବନେଶ୍ଵର : ବୁଧବାର ରାଜ୍ୟରେ ଛେଚିବ ବର୍ଷା, ୨୦ ସୁଦ୍ଧା ଅଧା ଓଡ଼ିଶା ଛୁଇଁବ ମୌସୁମୀ
  • ||
  • ଡ୍ରେନ୍‌ରେ ପଡ଼ି ନାବାଳକଙ୍କ ମୃତ୍ୟୁ ଘଟଣା : ମୁକୁଳା ଡ୍ରେନ୍‌ର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ, ୭ ଦିନ ଭିତରେ ନିଆଯିବ କାର୍ଯ୍ୟାନୁଷ୍ଠାନ
  • ||

ରାଜ୍ୟରେ ଆରମ୍ଭ ହେଲାଣି ଡେଙ୍ଗୁ ପ୍ରକୋପ: ୨୩୫ ଡେଙ୍ଗୁ ରୋଗୀ ଚିହ୍ନଟ, ବିଭିନ୍ନ ଜିଲ୍ଲାକୁ ଆଲର୍ଟ ସୂଚନା ଜାରି

ଭୁବନେଶ୍ୱର,୧୧/୦୬: ରାଜ୍ୟରେ ଆରମ୍ଭ ହେଲାଣି ଡେଙ୍ଗୁ ପ୍ରକୋପ । ବିଭିନ୍ନ ଜିଲ୍ଲାରୁ  ଡେଙ୍ଗୁ ରୋଗୀ ଚିହ୍ନଟ ହେଲେଣି ।  ବର୍ତ୍ତମାନଠାରୁ ମଶା ବଂଶ ନିପାତ ନେଇ  ପଦକ୍ଷେପ ଗ୍ରହଣ ନ କଲେ ପରିସ୍ଥିତି  ଅଣାୟତ୍ତ ହେବ । ଏବେ ଡେଙ୍ଗୁ ପାଇଁ  ସତର୍କ ଘଣ୍ଟି ବାଜିଛି । ଚଳିତ ବର୍ଷ ରାଜ୍ୟରେ ଚିହ୍ନଟ ହେଲେଣି ୨୩୫  ଡେଙ୍ଗୁ ରୋଗୀ । ଗତକାଲି ରାଜଧାନୀରୁ  ଜଣେ ଚିହ୍ନଟ ହୋଇଥିଲା ବେଳେ  ପୁରୀରୁ ୨ ଚିହ୍ନଟ ହୋଇଛନ୍ତି ବୋଲି  ଜନସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା  ମିଳିଛି । ଅପରପକ୍ଷରେ ଖୋର୍ଦ୍ଧା ଜିଲ୍ଲା  ସବୁବେଳେ ଡେଙ୍ଗୁ ରୋଗୀଙ୍କ ହବ୍‌ରେ ପରିଣତ ହୋଇଥାଏ । ଭୁବନେଶ୍ୱର  ଗଳିକନ୍ଦିରେ ଡେଙ୍ଗୁ ମଶାଙ୍କ ଉତ୍ପାତ  ବଢ଼ିଥାଏ । ଯଦି ବର୍ତ୍ତମାନଠାରୁ ଡେଙ୍ଗୁ ନିପାତ ନେଇ ପଦକ୍ଷେପ ନ ନିଆଯିବ, ତାହେଲେ ପରିସ୍ଥିତି ଅଣାୟତ୍ତ ହେବ ।  

ଜନସ୍ୱାସ୍ଥ୍ୟ ନିର୍ଦ୍ଦେଶକ ଡା.  ନୀଳକଣ୍ଠ ମିଶ୍ର କହିଛନ୍ତି, ରାଜ୍ୟରେ  ୨୩୫ ଡେଙ୍ଗୁ ରୋଗୀଙ୍କ ଚିହ୍ନଟ  ହୋଇଛନ୍ତି । ସେଥିରୁ ଖୋର୍ଦ୍ଧାରୁ  ସର୍ବାଧିକ ୬୫ ଅଛନ୍ତି । କଟକରୁ ୧୯  ଜଣ ଥିଲା ବେଳେ ମାଲକାନଗିରିରୁ  ୧୭ ଓ ପୁରୀରୁ ୧୩ ଚିହ୍ନଟ ହୋଇଛନ୍ତି ।  ଗତବର୍ଷ ଏହି ସମୟ ସୁଦ୍ଧା ରାଜ୍ୟରେ  ୧୦୭ ଡେଙ୍ଗୁ ରୋଗୀ ଚିହ୍ନଟ  ହୋଇଥିଲେ । 

ଚଳିତ ବର୍ଷ ବର୍ତ୍ତମାନ  ସୁଦ୍ଧା କାହାର ଡେଙ୍ଗୁରେ ପ୍ରାଣ ଯାଇନି । ସହରରେ ଡେଙ୍ଗୁ ଅଧିକ ହେଉଥିବାରୁ ସ୍ୱତନ୍ତ୍ର ଡ୍ରାଇଭ୍‌ କରାଯାଉଛି । ଡେଙ୍ଗୁ ନେଇ ସତର୍କ, ସଚେତନ କରାଇବା  ସହ ଚିକିତ୍ସା ପାଇଁ ପଦକ୍ଷେପ ନେବାକୁ  ସବୁ ସିଡିଏମ୍‌ଓଙ୍କୁ କୁହାଯାଇଛି । ସବୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ସ୍ୱତନ୍ତ୍ର ଡେଙ୍ଗୁ ୱାର୍ଡ କରିବାକୁ ନିର୍ଦ୍ଦେଶ ଦିଆଯାଇଛି । ଜିଲ୍ଲାଗୁଡ଼ିକୁ ଆଲର୍ଟ ସୂଚନା ଜାରି କରାଯାଇଛି । ପ୍ଲେଟ୍‌ଲେଟ୍‌ ଉପଲବ୍ଧ କରିବାକୁ କୁହାଯାଇଛି । ଏ ନେଇ ହସ୍ପିଟାଲ କର୍ମଚାରୀଙ୍କୁ ପ୍ରଶିକ୍ଷଣ  ମଧ୍ୟ ଦିଆଯାଇଛି । 

ଅନ୍ୟପଟରେ ୨୦୨୨ରେ  ରାଜ୍ୟରେ ୬,୫୬୩ ଜଣ ଡେଙ୍ଗୁ  ରୋଗୀ ଚିହ୍ନଟ ହୋଇଥିଲା ୨୦୨୩ରେ  ୭,୦୬୩ ଜଣ ଚିହ୍ନଟ ହୋଇଥିଲେ ।  ଗତବର୍ଷ ଦେଶରେ ୩୧ ଜୁଲାଇ ସୁଦ୍ଧା  ୩୧,୪୬୪ ଡେଙ୍ଗୁ ରୋଗୀ ଚିହ୍ନଟ  ହୋଇଛନ୍ତି । କେରଳରେ ସର୍ବାଧିକ  ୬,୬୦୮ ଆକ୍ରାନ୍ତ ଚିହ୍ନଟ ହୋଇଥିଲା  ବେଳେ ଅରୁଣାଚଳ ପ୍ରଦେଶରେ  ୨ ରୋଗୀ ଚିହ୍ନଟ ହୋଇଥିଲେ ।  ଜାତୀୟସ୍ତରରେ ଓଡ଼ିଶାରେ ଡେଙ୍ଗୁ  ପ୍ରକୋପ କମ ରହିଥିଲା । ଡେଙ୍ଗୁ  ଚିହ୍ନଟରେ ଦେଶରେ ଓଡ଼ିଶା ୧୩ ନମ୍ବର  ସ୍ଥାନରେ ଥିଲା।

  • PrameyaOdia
  • prameya
  • dengue
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.