ଭଦ୍ରକ,୧୭/୦୭: ବିଳମ୍ବିତ ରାତ୍ରିରେ ବିଦ୍ୟୁତ ତାର ଚୋରି କରୁଥିଲେ ୮ ଯୁବକ । ଦୁଇ ଜଣ ଯୁବକଙ୍କୁ କାବୁ କଲେ  ଗ୍ରାମବାସୀ । ୬ ଜଣ ଫେରାର । ଖବର ପାଇ ଅଧିକ ତଦନ୍ତ ଆରମ୍ଭ କରିଛି ପୋଲିସ ।

ସୂଚନା ଅନୁଯାୟୀ, ମଙ୍ଗଳବାର ବିଳମ୍ୱିତ ରାତିରେ ସଂଘବଦ୍ଧ ହୋଇ ଏକ କାରରେ ଆସିଥିଲେ କିଛି ଯୁବକ । ଧାମନଗର ଛକ ଠାରେ ୩୩ କେଭି ବିଦ୍ୟୁତ ତାର କାଟି ଚୋରି କରୁଥିଲେ । ଦୀର୍ଘ ସମୟ ଧରି ଯୁବକଙ୍କ ସନ୍ଦେହଜନକ କାର୍ଯ୍ୟକଳାପକୁ ଦେଖିଥିଲେ କିଛି ଦୋକାନୀ । ପରେ ସ୍ଥାନୀୟ ଲୋକଙ୍କୁ ଫୋନ କରି ଜଣାଇଥିଲେ । ଦୋକାନୀ ଓ ଗ୍ରାମବାସୀ ମିଶି ଏହି ଦୁର୍ବୃତ୍ତମାନଙ୍କୁ କାବୁ କରିବା ପାଇଁ ଉଦ୍ୟମ କରିଥିଲେ । ସେମାନଙ୍କ ମଧ୍ୟରୁ ୬ ଜଣ ଫେରାର ହୋଇ ଯାଇଥିବା ବେଳେ ୨ଜଣଙ୍କୁ କାବୁ କରିବାରେ ସକ୍ଷମ ହୋଇଥିଲେ ଗ୍ରାମବାସୀ । ସେମାନଙ୍କ ନିକଟରୁ ୪ ବଣ୍ଡଲ ବିଦ୍ୟୁତ ତାର ମଧ୍ୟ ଜବତ କରିଥିଲେ । ଏ ବିଷୟରେ ଖବର ପାଇବା ପରେ  ଦୁର୍ବୃତ୍ତଙ୍କୁ ଥାନାକୁ ନେଇ ତଦନ୍ତ ଆରମ୍ଭ କରିଛି ଧାମନଗର ପୋଲିସ । କାବୁ ହୋଇଥିବା ଯୁବକମାନଙ୍କ ଘର ବାସୁଦେବପୁର ଅଞ୍ଚଳରେ ବୋଲି ଜଣାପଡିଛି । ଏଥିରେ ଆଉ କେଉଁମାନେ ସମ୍ପୃକ୍ତ ଅଛନ୍ତି, ସେନେଇ ତଦନ୍ତ ଜାରି ରଖିଛି ପୋଲିସ ।