ନୂଆଦିଲ୍ଲୀ,୨୪/୧୨: ଉତ୍ତରପ୍ରଦେଶରେ ଅଘଟଣ। ଏକ ଟ୍ରକ ୨ଜଣ ବ୍ୟକ୍ତିଙ୍କୁ ଘୋଷାଡି ନେଲା ୩୦୦ ମିଟର । ଯାହାର ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ତେବେ ଏହି ଘଟଣାକୁ ନେଇ ପୋଲିସ ୨ ଅଭିଯୁକ୍ତଙ୍କୁ ଗିରଫ କରିଛି। ସେପଟେ ଆହତ ଦୁଇଜଣ ବ୍ୟକ୍ତିଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ମୁତାବକ, ୨ଜଣ ଆହତ ବ୍ୟକ୍ତିଙ୍କ ଘର ଆଗ୍ରାର ନୁନହାଇରେ ବୋଲି ଜଣାପଡିଛି । ସେମାନେ କାମ ସାରି ରାମବର୍ଗ ଯାଉଥିବା ବେଳେ ଏକ ଟ୍ରକ ଆଗରେ ପଡିଯାଇଥିଲେ । ଟ୍ରକ ଡ୍ରାଇଭର ଜଣକ ଦୁଇଜଣଙ୍କୁ ଘୋଷାଡି ନେଇଯାଇଥିଲା । ଫଳରେ ଯୁବକ ଦୁହେଁ ଚିତ୍କାର କରିବାରୁ ସ୍ଥାନୀୟ ଲୋକେ ଟ୍ରକ ଅଟକାଇ ସେମାନଙ୍କୁ ଉଦ୍ଧାର କରିଥିବା ନେଇ ପୋଲିସ ପକ୍ଷରୁ ସୂଚନା ଦିଆଯାଇଛି । ତେବେ ଉଭୟଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଦୁହିଁଙ୍କ ଅବସ୍ଥା ସ୍ଥିର ଥିବା ଜଣାପଡ଼ିଛି । ସେପଟେ ଟ୍ରକ ଡ୍ରାଇଭର ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି ସ୍ଥାନୀୟ ଲୋକେ।
