ଭୁବନେଶ୍ୱର,୨୪/୧୨ : ଆଜି ପବିତ୍ର ବଡ ଦିନ ବା ଖ୍ରୀଷ୍ଟମାସ । ଧରାବତରଣ କରିଛନ୍ତି ଯୀଶୁ । ବଡ ଦିନ ନେଇ ମଲରୁ ଚର୍ଚ୍ଚ ସବୁଠି ଗହଳି। ସଜେଇ ହୋଇଛି ଚର୍ଚ୍ଚ ପରିସର । ଯୀଶୁଙ୍କ ଆଗମନରେ ଚଳଚଞ୍ଚଳ ହୋଇପଡିଛି ଚର୍ଚ୍ଚ ପରିସର । ପିଲାଙ୍କ ଠାରୁ ଆରମ୍ଭ କରି ବଡ ପର୍ଯ୍ୟନ୍ତ ସମସ୍ତେ ମଲ ମୁହାଁ ହେଉଥିବା ଦେଖିବାକୁ ମିଳିଛି । ଖ୍ରୀଷ୍ଟମାସ ଟ୍ରି ପାଖରେ ସମସ୍ତେ ସେଲ୍ଫି ନେଉଛନ୍ତି । ବଡ ଦିନ ଦିନ ତମାନ ଚର୍ଚ୍ଚରେ ଭିଡ ଲାଗି ରହିବ । କିଏ ହାତରେ ଗୋଲାପ ଫୁଲ ତ ପୁଣି କିଏ କ୍ୟାଣ୍ଡେଲ ଧରି ଯୀଶୁଙ୍କୁ ସ୍ମରଣ କରିଛନ୍ତି । ସେଲିବ୍ରେସନ ମୁଡରେ ରହିଛି ସାରା ଦେଶ ।
ମଙ୍ଗଳବାର ମଧ୍ୟରାତ୍ରୀରୁ ଧରାବତରଣ କରିଛନ୍ତି ଯୀଶୁ । ମଧ୍ୟରାତି ଯାଏ କ୍ୟାରୋଲ ସଙ୍ଗୀତ ସାଙ୍ଗକୁ ଯୀଶୁଙ୍କୁ ପ୍ରାର୍ଥନା କରିବାରେଲାଗିଥିଲା ଗହଳି। ଯୀଶୁଙ୍କ ଧରାବତରଣ ପରେ କେକ୍ କାଟି ଏହି ଶୁଭଦିନର ଆରମ୍ଭ ହୋଇଛି । ବଡ ଦିନ ଲାଗି ସୁଉଚ୍ଚ ଖ୍ରୀଷ୍ଟମାସ ଟ୍ରି, ଲିଚୁ ଲାଇଟର ଆଲୋକରେ ରଙ୍ଗୀନ ହୋଇଛି ଚର୍ଚ୍ଚ । ଚାରିଆଡେ ଉତ୍ସାହର ମାହୋଲ ।
ଖ୍ରୀଷ୍ଟମାସ ଅବସରରେ ଚଳଚଞ୍ଚଳ ହୋଇଛି ସମସ୍ତ ଚର୍ଚ୍ଚ । ଖ୍ରୀଷ୍ଟଧର୍ମାଲମ୍ବୀଙ୍କ ସୁଅ ଛୁଟିଛି । ସମସ୍ତଙ୍କ ମୁହଁରେ ଗୋଟିଏ କଥା ମେରୀ ଖ୍ରୀଷ୍ଟମାସ ମେରୀ ଖ୍ରୀଷ୍ଟମାସ... ପରସ୍ପରରୁ ଶୁଭେଚ୍ଛା ଜଣାଇଛନ୍ତି । ଚର୍ଚ୍ଚମାନଙ୍କରେ ଯୀଶୁଙ୍କ ଦର୍ଶନ ଲାଗି ପ୍ରବଳ ଗହଳି ଦେଖିବାକୁ ମିଳିଛି । ଖ୍ରୀଷ୍ଟଧର୍ମାଲମ୍ବୀମାନେ ମଧ୍ୟରାତ୍ରିରୁ ଚର୍ଚ୍ଚକୁ ଯାଇ ଯୀଶୁଙ୍କ ମୂର୍ତ୍ତିକୁ ଛୁଇଁ ପ୍ରଣାମ କରି ଆର୍ଶୀବାଦ ନେଇଥିଲେ । କେବଳ ଖ୍ରୀଷ୍ଟଧର୍ମୀ ସମ୍ପ୍ରଦାୟ ନୁହନ୍ତି ଅନ୍ୟ ଧର୍ମାବଲମ୍ବୀମାନେ ବି ମଧ୍ୟରାତ୍ରିରେ ଚର୍ଚ୍ଚ ଯାଇ କ୍ୟାଣ୍ଡେଲ ଜାଳି ଉତ୍ସବ ମନାଇଥିଲେ ।
ଭୁବନେଶ୍ବରରେ ବଡଦିନ- ଖ୍ରୀଷ୍ଟମାସ ଅବସରରେ ରାଜଧାନୀ ଭୁବନେଶ୍ବରରେ ମଧ୍ୟ ଖୁସିର ମାହୋଲ ଦେଖିବାକୁ ମିଳିଛି । ଚଳଚଞ୍ଚଳ ହୋଇଛି ଭୁବନେଶ୍ବର ୩୫ରୁ ଅଧିକ ଚର୍ଚ୍ଚ । ସତ୍ୟନଗର କ୍ୟାଥୋଲିକ ଚର୍ଚ୍ଚରେ ବି ପ୍ରବଳ ଗହଳି ଦେଖିବାକୁ ମିଳିଛି । ୟୁନିଟ ୪ ସ୍ଥିତ ୟୁନିୟନ ଚର୍ଚ୍ଚ, ବରମୁଣ୍ଡା, ୟୁନିଟ-୮ ଆଦି ସ୍ଥାନରେ ଥିବା ଚର୍ତ୍ତମାନଙ୍କର ଯୀଶୁଙ୍କ ଦର୍ଶନ ଲାଗି ପ୍ରବଳ ଗହଳି ଦେଖିବାକୁ ମିଳିଛି ।
ବଡ ଦିନ ଇତିହାସ- ଦେଶ ତମାମ୍ ଡିସେମ୍ବର ୨୫ ତାରିଖକୁ ଖ୍ରୀଷ୍ଟମାସ ଡେ ଭାବରେ ପାଳନ କରାଯାଏ। ଏହା ଖ୍ରୀଷ୍ଟିଆନ ଧର୍ମାଲମ୍ବୀଙ୍କ ବଡ ପର୍ବ ହୋଇଥିଲେ ବି ସବୁ ଧର୍ମର ଲୋକ ଏହାକୁ ପାଳିଥାନ୍ତି । ଏହି ପର୍ବକୁ ନେଇ ସମସ୍ତଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳେ । ଘରକୁ ସୁନ୍ଦର ଭାବରେ ସଜେଇଛନ୍ତି ଲୋକ । ଖ୍ରୀଷ୍ଟମାନ ଟ୍ରି ଲଗାଇଛନ୍ତି । ବଡ ଦିନ ପଛରେ ଅଲଗା ଅଲଗା କାହାଣୀ ରହିଛି । ଡିସେମ୍ବର ୨୫ ତାରିଖରେ ପ୍ରଭୁ ଯୀଶୁଙ୍କ ଜନ୍ମ ହୋଇଥିଲା । ତାଙ୍କ ଜନ୍ମଦିନକୁ ଖ୍ରୀଷ୍ଟମାସ ରୂପେ ପାଳନ କରାଯାଏ । କ୍ରାଇଷ୍ଟ ଶଦ୍ଦରୁ ଖ୍ରୀଷ୍ଟମାସ ଆସିଛି । କୁହାଯାଏ କି ଯୀଶୁଙ୍କ ମାତା ମରିୟମ ପ୍ରଥମେ ଭବିଷ୍ୟବାଣୀ କରିଥିଲେ କି ଡିସେମ୍ବର ୨୫ ତାରିଖରେ ହିଁ ଯୀଶୁଙ୍କ ଜନ୍ମ ହେବ ବୋଲି । ଠିକ୍ ୯ମାସ ପରେ ଡିସେମ୍ବର ୨୫ ତାରିଖରେ ପ୍ରଭୁ ଯୀଶୁଙ୍କ ଜନ୍ମ ହୋଇଥିଲା ।
