ସୋନପୁର, ୨୨।୬ : ସୁବର୍ଣ୍ଣପୁର ଜିଲ୍ଲା ସୋନପୁର ସହରର ବିବେକାନନ୍ଦନଗରରେ ଅଘଟଣ । ଗାତ ଖୋଳୁଥିବା ବେଲେ ଶ୍ରମିକଙ୍କ ଉପରେ ପଡ଼ିଲା କାନ୍ଥ । ଫଳରେ କାନ୍ଥ ତଳେ ୨ ଶ୍ରମିକ ଚାପି ହୋଇ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଜଣେ ମହିଳା ଅଛନ୍ତି। ମୃତକ ମାନେ ହେଲେ  ମହିଳା ଶ୍ରମିକ ଦୂର୍ଲଭା ମିର୍ଦ୍ଧା ଓ ମୁନୁ ମିର୍ଦ୍ଧା ।

ସୋନପୁର ସହରର ବିବେକାନନ୍ଦନଗର ଜଣେ ଲୋକ ନିଜ ଘର ନିକଟରେ ବାଡ଼ ଦେବାପାଇଁ ଶ୍ରମିକଙ୍କୁ ନେଇ ଗାତ ଖୋଳୁଥିଲେ ।ମୋଟ ୫ ଜଣ ଶ୍ରମିକ କାମ କରୁଥିଲେ। ତେବେ ନିକଟରେ ଥିବା ପୁରୁଣା କାନ୍ଥ ବାଡଟି ଢଳି ପଡ଼ିଥିଲା । ସେହି ଗାତ ଭିତରେ ଦୁଇ ଜଣ ଶ୍ରମିକ ପୋତି ହୋଇ ଯାଇଥିଲେ । ଖବର ପାଇ ଦମକଳ ବାହିନୀ ପହଞ୍ଚି ବହୁ କଷ୍ଟରେ ଉଭୟଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ଡ଼ାକ୍ତରଖାନାରେ ଉଭୟଙ୍କୁ ଡାକ୍ତର ମୃତ ଘଶୋଣା କରିଥିଲେ । ଶ୍ରମିକମାନେ ବୀରମହାରାଜପୁର ବ୍ଲକର ବଡ଼ଖମାର ଗ୍ରାମର ବୋଲି ସୂଚନା ମିଳିଛି ।