ଲମତାପୁଟ, ୧।୨ : ଜଳଭଣ୍ଡାରକୁ ଡଙ୍ଗା ନେଇ ରିଲ୍ସ କରିବା ହେଲା କାଳ। ଜଳଭଣ୍ଡାରରେ ଡଙ୍ଗା ବୁଡିଯିବାରୁ ୨ ଜଣ ନାବାଳକ ନିଖୋଜ ହୋଇଛନ୍ତି। କୋରାପୁଟ ଜିଲ୍ଲା ଜଲାପୁଟ ଜଳଭଣ୍ଡାରରେ ଏହି ଅଘଟଣ ଘଟିଛି।
ଜଲାପୁଟ ଗ୍ରାମର ତିନି ଜଣ ନାବାଳକ ମୋବାଇଲରେ ରିଲ୍ସ ବନାଇବା ପାଇଁ ଜଳଭଣ୍ଡାର କୂଳରେ ଥିବା ଦେଶୀ ଡ଼ଙ୍ଗା ନେଇ ମଝିକୁ ଚାଲିଯାଇଥିଲେ l ସେଠାରେ କୌଣସି କାରଣ ବଶତଃ ଡ଼ଙ୍ଗାଟି ବୁଡି ଯାଇଥିଲା l ସ୍ଥାନୀୟ କିଛି ଲୋକ ଡ଼ଙ୍ଗାବୁଡିବା ଦେଖିବାକୁ ପାଇ ଗ୍ରାମବାସୀଙ୍କୁ ଜଣାଇଥିଲେ । ଖବର ପାଇ ଗ୍ରାମବାସୀ ଏବଂ ନିଖୋଜ ନାବାଳକଙ୍କ ପରିବାର ବର୍ଗ ନଈକୂଳରେ ପହଞ୍ଚିଥିଲେ। ଜଣେ ନାବାଳକ ପହଁରିକି ଚାଲି ଆସିଥିବା ବେଳେ ଅନ୍ୟ ୨ ଜଣ ନିଖୋଜ ରହିଛନ୍ତି ।ରାତି ହୋଇଯାଇଥିବାରୁ ଉଦ୍ଧାର କାର୍ଯ୍ୟ ବନ୍ଦ ରହିଛି।
