ଛତ୍ରପୁର, ୧୬/୦୭ : ଛତ୍ରପୁର ଡିଆରଡିଏ ଛକ ନିକଟରେ ଗୋମାଂସ ବୋଝେଇ କଣ୍ଟେନର ଜବତ କଲା ବଜରଙ୍ଗ ଦଳ। ଖବର ପାଇ ଘଟଣାସ୍ଥଳରେ ଛତ୍ରପୁର ପୋଲିସ ପହଞ୍ଚି କଣ୍ଟେନର ଜବତ କରିବା ସହ ଡ୍ରାଇଭରକୁ ଅଟକ ରଖିଛି। ବିଧାୟକ କୃଷ୍ଣଚନ୍ଦ୍ର ନାୟକ ଏବଂ ତାଙ୍କ ସମର୍ଥକ ପହଞ୍ଚି ଏହାକୁ ବିରୋଧ କରିଛନ୍ତି।
ସୂଚନାନୁଯାୟୀ, ଏକ କଣ୍ଟେନର ଯୋଗେ କଲିକତାରୁ ହାଇଦ୍ରାବାଦ ଯାଉଥିଲା ୧୮ ଟନ୍ ଗୋମାଂସ। ଏହାର ଖବର ପାଇ ଛତ୍ରପୁର ଡିଆରଡିଏ ଛକ ନିକଟରେ ଗୋମାଂସ ବୋଝେଇ କଣ୍ଟେନରକୁ ବଜରଙ୍ଗ ଦଳ ଅଟକାଇଥିଲା। ଘଟଣାସ୍ଥଳରେ ଛତ୍ରପୁର ପୋଲିସ ପହଞ୍ଚି କଣ୍ଟେନର ଜବତ କରିବା ସହ ଡ୍ରାଇଭରକୁ ଅଟକ ରଖିଛି। ତେବେ ପୂର୍ବରୁ ବଜରଙ୍ଗ ଦଳ ଚମାଖଣ୍ଡି ଏବଂ ଛତ୍ରପୁର ଥାନା ଅଧୀନରେ ୪ରୁ ଉର୍ଦ୍ଧ୍ଵ ଗୋମାଂସ କଣ୍ଟେନର ଜବତ କରି ପୁଲିସ ଜିମା ଦେଇସାରିଛି।