ସୁନ୍ଦରଗଡ, ୪।୮ : ଓଭର ଲୋଡିଙ୍ଗ କରି ଯାଉଥିବା ବେଳେ ସୁନ୍ଦରଗଡ଼ ପରିବହନ ବିଭାଗ ହାତରେ ଧରାପଡିଛି ୧୪ ଟ୍ରକ। ଏହି ଟ୍ରକ ଗୁଡିକରୁ ୫ଲକ୍ଷ ୮୫ ହଜାର ୫୦ଟଙ୍କା ଫାଇନ କଟାଯାଇଛି ।
ସୁନ୍ଦରଗଡ଼ରୁ ଛତିଶଗଡକୁ ପାଉଁଶ ନେଇ ୧୪ଟି ଟ୍ରକ ଯାଉଥିଲା। ପାଉଁଶ ବୋଝେଇ ଟ୍ରକ ଓଭର ଲୋଡିଙ୍ଗ କରି ଯାଉଥିବା ସମୟରେ ସୁନ୍ଦରଗଡ଼ ପରିବହନ ବିଭାଗ ବିଜୁ ଏକ୍ସପ୍ରେସ ୱେରେ ଟ୍ରକ ଗାଡିକୁ ଅଟକାଇ ଥିଲେ ଏବଂ ଗାଡ଼ି ଗୁଡିକର ଓଜନ କରାଯାଇଥିଲା । ଓଜନ କରିବା ପରେ ପ୍ରତ୍ୟେକ ଗାଡ଼ିରେ ତିନି ରୁ ଚାରି ଟନ ଓଭର ଲୋଡ଼ ଥିବା ଜଣା ପଡିଥିଲା । ପରେ ଗାଡିଗୁଡିକ ଠାରୁ ଫାଇନ ଆଦାୟ କରାଯାଇଥିଲା।