ବୌଦ୍ଧ,୧୪/୧୧: ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅଞ୍ଚଳରେ ବୌଦ୍ଧ ଏସପିଙ୍କ ନିର୍ଦ୍ଦେଶ କ୍ରମେ ଅପରେସନ ଗ୍ରୀନ କ୍ଲିନ୍ ଆରମ୍ଭ କରାଯାଇଛି । ପଞ୍ଚମ ଦିନରେ ମନ ମୁଣ୍ଡା ପୋଲିସ ସିଗାଡ଼ି ଗ୍ରାମରୁ ୪୯ ହଜାର ଗଞ୍ଜେଇ ଗଛ ନଷ୍ଟ କରିଛି । ପ୍ରାୟ ୪୧ ଏକର ଜଙ୍ଗଲ ଜମିର ଗଞ୍ଜେଇ ଗଛ ନଷ୍ଟ କରିଛି ପୋଲିସ । 

ସେପଟେ ଆଦର୍ଶ ଥାନା ବଘିଆପଡା ଫାଣ୍ଡି ଅଞ୍ଚଳରେ ପଞ୍ଚମ ଦିନରେ ଗଞ୍ଜେଇ ଗଛ କଟା ଅଭିଯାନ ଆରମ୍ଭ ହୋଇଛି । ବଏଲ୍ ବେଡା ଓ ଝାରମୁଣ୍ଡା ଗ୍ରାମ କେନାଲ ଅଞ୍ଚଳରେ ବିପୁଳ ଗଞ୍ଜେଇ ଗଛ ନଷ୍ଟ କରିଛି ପୋଲିସ । ୭୧ ଏକର ଜମିର ପ୍ରାୟ ୭୧ ହଜାର ଗଞ୍ଜେଇ ଗଛ ନଷ୍ଟ କରିଛି ଆଦର୍ଶ ଥାନା ପୋଲିସ । ତେବେ ଆଗାମୀ ଦିନରେ ଜିଲ୍ଲାର ସମସ୍ତ ଥାନା ଅଞ୍ଚଳରେ ଏହିଭଳି ଭାବେ ଗଞ୍ଜେଇ ଗଛ ନଷ୍ଟ ଅଭିଯାନ ଆରମ୍ଭ କରାଯିବ ଏବଂ ଜିଲ୍ଲାର ସମ୍ପୂର୍ଣ ଭାବେ ଗଞ୍ଜେଇ ଚାଷକୁ ନିପାତ୍ କରାଯିବ ବୋଲି ଏସପି ସୂଚନା ଦେଇଛନ୍ତି ।