ମାଲକାନଗିରି, ୫/୪ (ଆ.ପ୍ର) ; ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନରେ ଆଡମ୍ବର ସହକାରେ ମା’ ଦଣ୍ଡକାଳୀଙ୍କ ଧୂଳି ଦଣ୍ଡ ଓ ଘଟଯାତ୍ରା ଆରମ୍ଭ ହୋଇ ଯାଇଛି । ମାଲକାନଗିରି ସହର ପ୍ରବେଶଦ୍ୱାରରେ ଥିବା ମା’ ଦଣ୍ଡକାଳିଙ୍କ ମନ୍ଦିରରେ ଆଡମ୍ବର ସହକାରେ ମା’ ଙ୍କ ୧୩ଦିନିଆ ଘଟ ଯାତ୍ରା ଉତ୍ସବ ଆରମ୍ଭ ହୋଇ ଯାଇଛି।ପ୍ରଥମ ଦିବସରେ ନାମ ସଂକିର୍ତନ, ନରନାରୟଣ ସେବା ଆଦି ଆଧ୍ୟାତ୍ମିକ କାର୍ଯ୍ୟକ୍ରମ କରା ଯାଇଥିଲା । ମା’ ଙ୍କ ମନ୍ଦିରରେ ଶ୍ରଦ୍ଧାଳୁ ଭକ୍ତମାନଙ୍କର ଭିଡ ଲାଗିଥିଲା। ପୁଜା ପାଠ ଓ ହୋମ ଯଜ୍ଞ ହୋଇଥିଲା।
ଦ୍ବିତୀୟ ଦିନରେ ମା’ ଦଣ୍ଡକାଳୀଙ୍କ ମନ୍ଦିରରୁ ଚୈତ୍ର ଘଟଯାତ୍ରା ଆରମ୍ଭ ହୋଇ ମା’ଙ୍କ ଘଟ ଶୋଭାଯାତ୍ରା ବସ ଷ୍ଟାଣ୍ଡ ଠାରୁ ବାହାରି ତଳସାହି, ଡିଏନକେ, ଗଣ୍ଡିଆଗୁଡା,ଦୁର୍ଗାଗୁଡିସାହି ହୋଇ ୧୧୯କଲୋନି, ଗାୟତ୍ରୀ ମନ୍ଦିର,ରିକ୍ୟୁମେସନକଲୋନି,ଚାଲାଣଗୁଡା ଆଲୁରମୁଠା ଠାରେ ଥିବା ମା ମାଉଲିମା ମନ୍ଦିର ଠାରୁ ସୋଭାଯାତ୍ରାରେ ବାହାରି ଚାଲାଣଗୁଡା ଠାରେ ପୂଜା ପାଇଥିଲେ । ଦଣ୍ଡପାଟୁଆ ମାନେ ବାଲିଧୁଳିରେ ଶୋଇରହି ବିଭିନ୍ନପ୍ରକାର ଆଧ୍ୟାତ୍ମିକ କୌଶଳ ପ୍ରଦର୍ଶନ କରି ଘଟ ପୁଜା କରିଥିଲେ । ଏହି ଦଣ୍ଡ ଯାତ୍ରା ଚିତ୍ରସେନ ନାହାକ,ନେମନ୍ତକୁମାର ମହାରଣା ଙ୍କ ସହିତ ଦଣ୍ଡକାଳୀ ପୁଜା କମିଟି ର ସଦସ୍ୟ ମାନେ କା ର୍ଯ୍ୟକ୍ରମ ପରିଚାଳନା କରିଥିଲେ ।
