ନୀଳଗିରୀ, ୨।୪ : ଟ୍ରକକୁ ଧକ୍କା ଦେଇ ଓଲଟିଲା ବସ୍। ୨୫ରୁ ଅଧିକ ଯାତ୍ରୀ ଆହତ । ସେମାନଙ୍କ ମଧ୍ୟରୁ ୧୫ ଜଣଙ୍କ ଅବସ୍ଥା ଗୁରୁତର । ବାଲେଶ୍ୱର ଜିଲ୍ଲା ସେରଗଡ଼ ଉଦଳା ରାସ୍ତା ଭାଲୁକାଶୁଣି ଛକରେ ଦୁର୍ଘଟଣା ଘଟିଛି।
ମାମା ନାମକ ଏକ ଘରୋଇ ବସ ବାଲେଶ୍ଵରରୁ ଯାତ୍ରୀଙ୍କୁ ନେଇ ଉଦଳା ଯାଉଥିଲା। ବାଲେଶ୍ୱର ଜିଲ୍ଲା ସେରଗଡ଼ ଉଦଳା ରାସ୍ତା ଭାଲୁକାଶୁଣି ଛକରେ ସାମ୍ନା ପଟୁ ଆସୁଥିବା ଟ୍ରକ ସହିତ ଧକ୍କା ହୋଇ ଓଲଟି ଯାଇଥିଲା। ଫଳରେ ୨୫ ଜଣରୁ ଅଧିକ ଆହତ ହୋଇଥିଲେ। ସେମାନଙ୍କ ମଧ୍ୟରୁ ୧୫ ଜଣ ଗୁରୁତର ହୋଇଥିବା ଜଣାପଡିଛି। ପୋଲିସ ଓ ଦମକଳ ବାହିନୀ ଆସି ଘଟଣା ସ୍ଥଳରୁ ଯାତ୍ରୀଙ୍କୁ ଉଦ୍ଧାର କରି ନୀଳଗିରୀ ହସ୍ପିଟାଲରେ ଭର୍ତ୍ତି କରିଛନ୍ତି।