ଭୁବନେଶ୍ୱର ୨୧/୦୬: ରାଜଧାନୀ ଭୁବନେଶ୍ୱରରେ ବିଭତ୍ସ ହତ୍ୟାକାଣ୍ଡ। ଘର ମାଲିକକୁ ମାରଣାସ୍ତ୍ର ହତ୍ୟା କଲା ଭଡ଼ାଟିଆ। ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର ।ଏଭଳି ହତ୍ୟାକାଣ୍ଡ ତମାଣ୍ଡୋ ଥାନା ଅନ୍ତର୍ଗତ ସିଭି ରମଣ କଲେଜ ପାଖରେ ନିକଟରେ ଘଟିଛି। ମୃତକ ୩୫ ବର୍ଷୀୟ ସୁଶାନ୍ତ ଶତପଥି ବୋଲି ଜଣାପଡିଛି। ଘଟଣାସ୍ଥଳରେ ପୋଲିସ ପହଞ୍ଚି ରାସ୍ତା ଉପରୁ ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।

ସୂଚନା ମୁତାବିକ, ଆଜି ତମାଣ୍ଡୋ ଥାନା ଅନ୍ତର୍ଗତ ସିଭି ରମଣ କଲେଜ ପାଖ ରାସ୍ତା ନିକଟରେ ଜଣେ ଯୁବକଙ୍କ ମୃତଦହେ ପଡିଥିବାର ଦେଖିବାକୁ ମିଳିଥିଲା । ରକ୍ତାକ୍ତ ଅବସ୍ଥାରେ ମୃତଦେହ ପଡିଥିବା ଦେଖି ନିକଟସ୍ଥ ତମାଣ୍ଡୋ ଥାନାକୁ ଖବର ଦେଇଥିଲେ ସ୍ଥାନୀୟଲୋକେ । ମୃତକଙ୍କ ନାମ ସୁଶାନ୍ତ ଶତପଥୀ ବୋଲି ସୂଚନା ରହିଛି । ସୁଶାନ୍ତଙ୍କ ଘରେ ଜଣେ ଯୁବକ ଭଡ଼ାଟିଆ ରହୁଥିଲେ । ଉକ୍ତ ଯୁବକ ଜଣଙ୍କ ହତ୍ୟା କରିଥିବା ଅନୁମାନ କରାଯାଉଛି । 

ସେପଟେ ତମାଣ୍ଡୋ ଥାନା ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଆଉ ଘଟଣାର ତଦନ୍ତ ଜାରି ରଖିଛି । କେଉଁ କାରଣରୁ ହତ୍ୟା ହୋଇଛି । ତାହା ଏବେ ଯାଏଁ ଅସ୍ପଷ୍ଟ ରହିଛି । ପୋଲିସର ପ୍ରାଥମିକ ତଦନ୍ତ ପରେ ହିଁ ହତ୍ୟାର ପ୍ରକୃତ କାରଣ ଜଣାପଡିବ ବୋଲି ଅନୁମାନ କରାଯାଉଛି ।