ଚନ୍ଦାହାଣ୍ଡି,୩୧/୧ : ହାଇଦ୍ରାବାଦ ଦାଦନ ଖଟିବାକୁ ଯାଇ ଯୁବକ ମୃତ। ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ଅଧିନ ଖଇରଭାଡ଼ି ଗ୍ରାମର ଜଣେ ଯୁବକ ହାଇଦ୍ରାବାଦ ଦାଦନ ଖଟିବାକୁ ଯାଇ ସେଠାରେ ତାର ମୃତ୍ୟୁ ହୋଇଛି । ଯୁବକର ମୃତଦେହ ରାସ୍ତାକଡରୁ ବିଜୟନଗରମ ପୋଲିସ ଉଦ୍ଧାର କରି ପରିବାରକୁ ଖବର ଦେଇଥିବା ନେଇ ପରିବାର  ଲୋକେ ପ୍ରକାଶ କରିଛନ୍ତି l ମୃତକ ଦାଦନ ଶ୍ରମିକ ହେଉଛନ୍ତି ଖଇରଭାଡ଼ି ଗ୍ରାମର ରଞ୍ଜିତ ଗୌଡ଼ଙ୍କ ପୁଅ ରୋହିତ l ଯୁବକର ଦୁର୍ଘଟଣାରେ ମୃତ୍ୟୁ ହୋଇଥିବା ନେଇ ବିଜୟନଗରମ ପୋଲିସ ସୂଚନା ଦେଇ ଥିବା ପରିବାର ଲୋକେ ପ୍ରକାଶ କରିଛନ୍ତି l ମୃତକ ଜଣକ ଗରିବ ଶ୍ରେଣୀର ହୋଇଥିବାରୁ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି l

ମୃତକର ପରିବାର ଲୋକେ କହିବା ଅନୁସାରେ ରୋହିତ ଗତ ୨୬ତାରିଖ ଅନ୍ୟ ୪ଜଣ ଯୁବକ ସହ ହାଇଦ୍ରାବାଦ ଦାଦନ ଖଟିବାକୁ ଯାଇଥିଲା l ହାଇଦ୍ରାବାଦରେ କାମ ନ କରି ୫ଜଣ ଯୁବକ ଅନ୍ୟ ଆଡୁ କାମ କରିବାକୁ ଯାଉଥିବା ସମୟରେ ବିଜୟନଗରମଠାରେ ରାସ୍ତା ପାର ହେଉଥିବା ସମୟରେ ରୋହିତକୁ ଟ୍ରକ ଧକ୍କା ଦେବା ଫଳରେ ରାସ୍ତାରେ ସେ ଛିଟିକି ପଡି ସେଠାରେ ତାଙ୍କର ମୃତ୍ୟୁ ହୋଇଥିଲା l ଅନ୍ୟ ଯୁବକ ମାନେ ସେଠାରେ ତାଙ୍କୁ ଛାଡି ଚାଲି ଯାଇ ଥିଲେ l ରାସ୍ତା ଉପରେ ରୋହିତଙ୍କ ଶବ ରକ୍ତ ଜୁଡୁବୁଡୁ ଅବସ୍ଥାରେ ପଡି ଥିବାବେଳେ ବିଜୟନଗରମ ପୋଲିସ ଶଵ ଉଧାର କରି ପରିବାର ଲୋକଙ୍କୁ ଖବର ଦେବାରୁ ଏକ ଶୋକାକୁଳ ପରିବେଶ ଦେଖା ଦେଇଥିଲା l