ଭୁବନେଶ୍ଵର, ୩୧/୦୧ : ବରଗଡ଼ ବରପାଲି କଲେଜରେ +୩ ପ୍ରଶ୍ନପତ୍ର ଲିକ୍ ମାମଲାରେ ୧୨ ଗିରଫ। ଜଣେ କିରାଣୀ, ଜଣେ କମ୍ପ୍ୟୁଟର ଦୋକାନୀ ସମେତ ୧୦ ଜଣ ଛାତ୍ର ଗିରଫ ହୋଇଛନ୍ତି।
ସୂଚନାନୁଯାୟୀ, ଗତ ୨୮ ତାରିଖରେ ସମ୍ବଲପୁର ବିଶ୍ୱବିଦ୍ୟାଳୟ ପରିଚାଳିତ ବରପାଲି କଲେଜରେ +୩ ଦ୍ଵିତୀୟ ବର୍ଷର ତୃତୀୟ ସେମିଷ୍ଟାର ପରୀକ୍ଷା ଚାଲିଥିଲା। ସ୍କ୍ଵାର୍ଡ ଯାଞ୍ଚ ସମୟରେ ରାଜନୀତି ବିଜ୍ଞାନ ପ୍ରଶ୍ନପତ୍ର ଲିକ୍ ହୋଇଥିବା ଓ ଉତ୍ତର ସମାନ ହୋଇଥିବା ଦେଖିବାକୁ ପାଇଥିଲେ। କଲେଜ ଅଧ୍ୟକ୍ଷ ଏହା ଜାଣିପରି ପରୀକ୍ଷା ହଲ୍ରେ ତଦାରଖ କରିଥିଲେ। ଏହି ସମୟରେ କିଛି ଛାତ୍ର ଧରାପଡ଼ିଥିଲେ। ଏହାପରେ ମହାବିଦ୍ୟାଳୟ ଅଧ୍ୟକ୍ଷା ସୁଶ୍ରୀ ଜୟନ୍ତୀ ଦାସ ବରପାଲି ଥାନାରେ ଲିଖିତ ଅଭିଯୋଗ କରିଥିଲେ।
ଏହି ଖବରଟିକୁ ପଢନ୍ତୁ-ଅଲୋଡ଼ା ହେଲା ଜନ୍ମ କଲା ମା', ବୃଦ୍ଧା ବୟସରେ ଘରୁ ତଡ଼ିଦେଲେ ୩ ଚାକିରିଆ ପୁଅ
ଏହି ଘଟଣାରେ ପୋଲିସ ଛାନଭିନ୍ କରି ୧୦ ଜଣ ଛାତ୍ରଙ୍କୁ ଗିରଫ କରିଛି। ଏହା ସହ ରେଢ଼ାଖୋଲ ଉପଖଣ୍ଡ ନାକଟିଦେଉଳ ମହାବିଦ୍ୟାଳୟର କିରାଣୀ ଆଲୋକ ସାହୁ ଓ ଜଣେ କମ୍ପ୍ୟୁଟର ଦୋକାନୀଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଏନେଇ କଲେଜ ଓ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।
