ଚନ୍ଦାହାଣ୍ଡି,୩୧/୧ : ବିବାହର ପ୍ରଲୋଭନ ଦେଖାଇ ଦଳିତ ଯୁବତୀଙ୍କୁ ଗର୍ଭବତୀ କରି ପ୍ରତାରଣା କରିଛି ଯୁବକ । ଏଭଳି ଏକ ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ଅଧିନ ଏକ ଗାଁରେ । ଦଳିତ ଯୁବତୀ ରେଖା (ଛଦ୍ମ ନାମ)୨୨କୁ ସେହି ଗ୍ରାମର କ୍ଷମରାଜ ନାୟକଙ୍କ ପୁଅ ପ୍ରମାନନ୍ଦ ନାୟକ(୨୫) ବିବାହର ପ୍ରତିଶ୍ରୁତି ଦେଇ ଯୁବତୀର ଅନିଚ୍ଛା ସତ୍ତେ୍ବ ଶାରୀରିକ ସମ୍ପର୍କ ରଖିଥିଲେ । ଯୁବତୀ ଜଣକ ୩ମାସର ଗର୍ଭବତୀ ହେବା ପରେ ଦଳିତ ବର୍ଗ କହି ଘୃଣା କରିବା ସହ ଯୁବତୀକୁ ଧମକ ଦେଇ ପ୍ରତାରଣା କରିଥିବା ନେଇ ଯୁବତୀ ଜଣକ ନ୍ୟାୟ ପାଇଁ ଥାନା ଦ୍ୱାରସ୍ଥ ହୋଇଛନ୍ତି l
ଯୁବତୀର ଏତଲାକୁ ଭିତ୍ତି କରି ଚନ୍ଦାହାଣ୍ଡି ଥାନା ଅଧିକାରୀ ପ୍ରଶାନ୍ତ କୋଲର୍ସ ଚନ୍ଦାହାଣ୍ଡି କେସ ନଂ ୧୨/୨୫ ଅନୁସାରେ ବଳତ୍କାର ମମଲା ରୁଜ୍ଜୁ କରି ଏହାର ତଦନ୍ତ ଭାର ଏସଡିପିଓ ମିନାକ୍ଷୀ ଠାକୁର ଏହାର ତଦନ୍ତ ଭାର ନେଇ ଥିବା ନେଇ ଆଇଆଇସି କୋଲର୍ସ ସୂଚନା ଦେଇଛନ୍ତି l ଏସଡିପିଓ ମିନାକ୍ଷୀ ଠାକୁର ସାଲେଭଟା ଗ୍ରାମ ଗସ୍ତ କରି ପୀଡିତା ଏବଂ ପରିବାରକୁ ଭେଟି ସବିଶେଷ ତଦନ୍ତ କରିଥିବା ନେଇ ଥାନା ସୂତ୍ରରୁ ଜଣାପଡିଛି l ବର୍ତ୍ତମାନ ସୁଧା ପ୍ରତାରଣାକାରୀ ଯୁବକ ପ୍ରମାନନ୍ଦ ନାୟକଙ୍କୁ ଗିରଫ କରି ନ ଥିବାରୁ l ଏଠାରେ ତୀବ୍ର ଅସନ୍ତୋଷ୍ଟ ଦେଖା ଦେଇଛି l ଗୋଟିଏ ପଟେ ସ୍ୱାମୀଙ୍କୁ ଫଶାଉଥିବା ସହ ୨୦ଲକ୍ଷ ଟଙ୍କା ପୀଡିତା ଜଣକ ଦାବି କରୁଥିବା ନେଇ ପ୍ରମାନନ୍ଦର ସ୍ତ୍ରୀ ସୁନୀତା ନାୟକ ଥାନାର ଦ୍ୱାରସ୍ଥ ହୋଇଥିବା ନେଇ ଚନ୍ଦାହାଣ୍ଡି ଥାନା ସୂତ୍ରରୁ ଜଣାପଡ଼ିଛି l ଏ ଦିଗରେ ଜିଲ୍ଲା ଆରଖି ଅଧିକ୍ଷକ ଏକ ସ୍ୱତନ୍ତ୍ର ଦୃଷ୍ଟି ଦେଇ ଉଚିତ ନ୍ୟାୟ ପ୍ରଦାନ କରିବା ଲାଗି ବିଭିନ୍ନ ମହଲରେ ଦାବି କରାଯାଇଛି l
ପ୍ରକାଶ ଯେ, ପ୍ରମାନନ୍ଦ ଗତ ୨୦୧୫ରୁ ଯୁବତୀ ଜଣକ ୭ମ ଶ୍ରେଣୀରେ ପାଠ ପଢୁଥିବା ସମୟରେ ପ୍ରେମ ଜାଲରେ ଫଶାଇ ବିବାହର ପ୍ରତଶ୍ରୁତି ଦେଇ ଶାରୀରିକ ସମ୍ପର୍କ ସ୍ଥାପନ କରିଥିଲା l ଯୁବତୀର ପରିବାର ଲୋକେ ଏ ସବୁ ଜାଣି ପାରି ଯୁବତୀକୁ ତାଗିତ କରିବା ସହ ଗତ ୨୦୨୦ମସିହାରେ କଳାହାଣ୍ଡି ଜିଲ୍ଲା ଝରିଆଗଡ଼ର ଏକ ଯୁବକ ସହ ବିବାହ ପାଇଁ ସ୍ଥିର କରିଥିଲେ l ଏଥିପାଇଁ ବିବାହ କାର୍ଡ ମଧ୍ୟ ଛପା ସରିଥିଲା ବୋଲି ପୀଡିତାର ପରିବାର ଲୋକେ ପ୍ରକାଶ କରିଛନ୍ତି l ଯୁବତୀ ଜଣକ ଦଳିତ ବର୍ଗର ହୋଇଥିବାବେଳେ ଯୁବକ ଓବିସି ବର୍ଗର ଏହା ସାମାଜିକ ବିବାହ ପାଇଁ ସ୍ୱୀକୃତି ନ ମିଳିବାରୁ ଯୁବକ ବିବାହ ପ୍ରସ୍ତାବ ଭାଙ୍ଗିବା ପାଇଁ ଯୁବତୀକୁ ବିବାହ କରୁଥିବା ଯୁବକକୁ ତାଙ୍କର ପ୍ରେମ ସମ୍ପର୍କ ବିଷୟରେ କହିବା ସହ ତାଙ୍କ ପ୍ରେମିକ ପ୍ରେମିକାଙ୍କ ଫଟୋ ପଠାଇବାରୁ ବିବାହ ପ୍ରସ୍ତାବ ଭାଙ୍ଗିଯାଇଥିବା ପୀଡିତା ପରିବାର ସୂଚନା ଦେଇଛନ୍ତି l
ଏହାରି ଭିତରେ ଯୁବକର ପରିବାର ଲୋକେ ପଡୋଶୀ ଛତିଶଗଡର ଝିଅ ସହ ବିବାହ କରି ଦେଇଥିଲେ l ବର୍ତ୍ତମାନ ତାଙ୍କର ୩ବର୍ଷର ପୁଅ ଟିଏ ରହିଛି l ପ୍ରେମିକ ବିବାହ ହେବା ପରେ ଯୁବତୀ ତା ସହ କଥା ବାର୍ତା ବନ୍ଦ କରି ଦେଇଥିଲା l ଗତ ୨୦୨୪ରେ ଯୁବତୀକୁ ନଦୀକୁ ଡକାଇ ତାଙ୍କର ଅନିଚ୍ଛା ସତ୍ୱେ ଜୋର ଜବରଦସ୍ତ ଶାରୀରିକ ସମ୍ପର୍କ ସ୍ଥାପନ କରି ଏହି କଥା ଆଗରେ କହିଲେ ଜୀବନରେ ମାରି ଦେବା ଧମକ ଦେଇଥିବା ନେଇ ସେ ତାଙ୍କ ଏତଲାରେ ଦର୍ଶାଇଛନ୍ତି l ଏହାରି ଭିତରେ ଯୁବତୀ ୩ମାସର ଅନ୍ତେସତ୍ଵା ହେବାରୁ ଯୁବକକୁ ବିବାହ ପାଇଁ ଯୁବତୀ କହିବାରୁ ନାନା ପ୍ରକାର ଧମକ ଚମକ ଦେବା ସହ ଜାତିକୁ ଆକ୍ଷେପ କରିବାରୁ ଗତ ୨୮ତାରିଖ ନ୍ୟାୟ ପାଇଁ ଥାନା ଦ୍ୱାରସ୍ଥ ହୋଇଥିଲା l ଏ ଦିଗରେ ପୋଲିସ ପ୍ରଶାସନ ଉପଯୁକ୍ତ ତଦନ୍ତ କରି ପୀଡିତାକୁ ଉଚିତ ନ୍ୟାୟ ପ୍ରଦାନ କରିବା ଲାଗି ଗଣ୍ଡା ସମାଜର ବରିଷ୍ଠ ସଦସ୍ୟ ଅକାଳୁ ଜାଳି, ଭୀମ ଡ଼ଙ୍ଗରି, ପିତାମ୍ଭର ସୋରି ଏବଂ ପୀଡିତାର ପରିବାର ଲୋକେ ଦାବି କରିଛନ୍ତି l
