ରାଉରକେଲା,୨୫।୯ : ରାଉରକେଲାରେ ଯୁବକଙ୍କୁ ପଥରରେ ଛେଚିବା ସହ ଧାରୁଆ ଅସ୍ତ୍ରରେ ହାଣି କରାଯାଇଛି ହତ୍ୟା। ଆକ୍ରମଣରୁ ଅଳ୍ପକେ ବଂଚିଯାଇଛନ୍ତି ଅନ୍ୟ ଜଣେ ଯୁବକ । ଗୁରୁତର ଯୁବକଙ୍କୁ ପ୍ରଥମେ ରାଉରକେଲା ସରକାରୀ ଡ଼ାକ୍ତରଖାନାରେ ଭର୍ତ୍ତି କରାଯାଇଛି। ସ୍ୱାସ୍ଥ୍ୟ ଅବସ୍ଥା ଅଧିକ ଗୁରୁତର ହେବାରୁ ଘରୋଇ ହସ୍ପିଟାଲରେ ଭର୍ତ୍ତି କରା ଯାଇଛି । ସେକ୍ଟର- ସେଭେନ ଥାନା ଛେଣ୍ଡ ପେଟ୍ରୋଲ ପମ୍ପ ପଛପଟ ଜଙ୍ଗଲର ରାସ୍ତାରେ ଘଟିଛି ହତ୍ୟାକାଣ୍ଡ । ମୃତ ବ୍ୟକ୍ତି ଜଣଙ୍କ ହେଲେ ମାଲଗୋଦାମ ଅଚଂଳର ରମଜାନ ଅହମଦ ।ଗୁରୁତର ବ୍ୟକ୍ତିଙ୍କ ପରିଚୟ ମିଳିନାହିଁ ।
ଏହି ହତ୍ୟାକାଣ୍ଡରେ କେତେ ଜଣଙ୍କର ସଂପୃକ୍ତି ଅଛି ତାହା ମଧ୍ୟ ସ୍ପଷ୍ଟ ହୋଇନାହିଁ । ଖବର ପାଇଁ ଘଟଣା ସ୍ଥଳରେ ସେକ୍ଟର-ସେଭେନ , ଛେଣ୍ଡ ପୋଲିସ ସହ ରାଉରକେଲା ଏସପି ବ୍ରିଜେଶ କୁମାର ରାଏ ପହଞ୍ଚି ଘଟଣାର ତଦନ୍ତ କରୁଛି ।