ପାପଡାହାଣ୍ଡି,୧୩/୯ : ଦୁଇ ବର୍ଷର ପ୍ରେମ । ବିବାହର ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖି ୫ ମାସର ଗର୍ଭବତୀ ହୋଇଥିଲେ ପ୍ରେମିକା । ଏହାପରେ ଅଭିଯୁକ୍ତ ଯୁବକ ଅରାଜି ହେବାରୁ ଥାନାରେ ଏତଲା। ଅଭିଯୁକ୍ତକୁ ଥାନାରେ ଅଟକ ରଖି ତଦନ୍ତ ଆରମ୍ଭ କରିଛି ପୋଲିସ ।

ସୂଚନା ଅନୁସାରେ, ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକର ଜନୈକ ଯୁବତୀଙ୍କୁ ଉକ୍ତ ଗ୍ରାମର ଗଙ୍ଗାଧର ଜାନୀଙ୍କ ପୁଅ ଟିକେନ୍ଦ୍ର ପ୍ରେମ କରିଥିଲା । ଦୁଇ ବର୍ଷର ପ୍ରେମ ସମ୍ପର୍କ । ବିବାହର ମିଥ୍ୟା ପ୍ରତିଶ୍ରୁତି ଦେଇ ଯୁବତୀଙ୍କ ସହ ଶାରୀରିକ ସମ୍ପର୍କ ରଖିଥିଲା । ଯୁବତୀ ଜଣକ ବର୍ତ୍ତମାନ ୫ ମାସର ଗର୍ଭବତୀ । ଯୁବକକୁ ତାଙ୍କ ଘରକୁ ନେବାକୁ କହିବାରୁ ଅରାଜି ହୋଇଥିଲା । ନ୍ୟାୟ ପାଇବା ନେଇ ଆଜି ପାପଡାହାଣ୍ଡି ଥାନାରେ ଏ ନେଇ ଏତଲା ଦେଇଛନ୍ତି ଯୁବତୀ । ଏତଲାକୁ ଭିତ୍ତି କରି ପାପଡାହାଣ୍ଡି ପୋଲିସ ଅଭିଯୁକ୍ତକୁ ଅଟକ ରଖି ତଦନ୍ତ ଆରମ୍ଭ କରିବା ସହ କେଶ ନଂ ୧୭୯/୨୪ରେ ମାମଲା ରୁଜୁ କରିଛନ୍ତି ।