ଲକ୍ଷ୍ନୌ, ୦୩/୦୩: ଡବ୍ଲ୍ୟୁପିଏଲ୍ର ୧୫ତମ ଲିଗ୍ ମୁକାବିଲାରେ ଆଜି ୟୁପି ୱାରିଅର୍ସ ଓ ଗୁଜରାଟ ଜାଏଣ୍ଟ୍ସ ପରସ୍ପରକୁ ଭେଟିବାକୁ ଯାଉଛନ୍ତି । ୟୁପି ପୂର୍ବ ମ୍ୟାଚରେ ପରାଜିତ ହୋଇଥିଲା । ଆଜିର ମ୍ୟାଚ୍ ଜରିଆରେ ଦଳ ବିଜୟକୁ ଫେରିବା ପାଇଁ ଲକ୍ଷ୍ୟ ରଖିଛି । ଅନ୍ୟ ପଟରେ ଗୁଜରାଟ ତୃତୀୟ ବିଜୟ ସହ ପଏଣ୍ଟ ତାଲିକାରେ ଉପରକୁ ଉଠିବାକୁ ପ୍ରୟାସ କରିବ ।
ୟୁପି ୱାରିଅର୍ସ ୫ଟି ମ୍ୟାଚ୍ ଖେଳି ୨ ବିଜୟ, ୩ ପରାଜୟ ସହ ମୋଟ ୪ପଏଣ୍ଟ ପାଇ ତାଲିକାରେ ତୃତୀୟ ସ୍ଥାନରେ ରହିଛି । ଦଳ ଗତ ୨୬ ତାରିଖରେ ମୁମ୍ବାଇ ଇଣ୍ଡିଆନ୍ସ ନିକଟରୁ ୮ ୱିକେଟ୍ରେ ପରାଜିତ ହୋଇଥିଲା । ଆସନ୍ତାକାଲି ଗୁଜରାଟକୁ ହରାଇ ଦଳ ପ୍ଲେ- ଅଫ୍ ଆଶା ଦୃଢ଼ କରିବାକୁ ପ୍ରୟାସ କରିବ । ମ୍ୟାଚ୍ ଜିତିବାକୁ ହେଲେ ବ୍ୟାଟିଂ ବିଭାଗରେ ଶ୍ରେଷ୍ଠ ପ୍ରଦର୍ଶନ ଦେବାକୁ ପଡ଼ିବ । ଅଧିନାୟିକା ଦୀପ୍ତି ଶର୍ମା, ସ୍ପିନର ସୋଫି ଏକ୍ଲେଷ୍ଟୋନ୍ ଓ ଚିନେଲି ହେନରୀଙ୍କ ଉପରେ ସମସ୍ତଙ୍କ ନଜର ରହିବ ।
ଗୁଜରାଟ ମୋଟ ୪ପଏଣ୍ଟ ସହ ତାଲିକାରେ ସବା ଶେଷରେ ରହିଛି । ଗତ ୨୭ ତାରିଖରେ ଦଳ ୬ ୱିକେଟ୍ରେ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ ହରାଇଥିଲା । ଏହି ବିଜୟ ଦଳର ମନୋବଳ ଦୃଢ଼ କରିଛି । ଅଧିନାୟିକା ଆସଲି ଗାର୍ଡନର ପୂର୍ବ ମ୍ୟାଚ୍ରେ ଅର୍ଦ୍ଧଶତକ ଅର୍ଜନ କରିବା ସହ ଫର୍ମରେ ଥିବା ପ୍ରମାଣିତ କରିଥିଲେ । ଟପ୍ ଅର୍ଡର ବ୍ୟାଟର ଦକ୍ଷତା ମୁତାବକ ପ୍ରଦର୍ଶନ କଲେ ଦଳ ବଡ଼ ସ୍କୋର କରିପାରିବ ।
ସମ୍ଭାବ୍ୟ ଦଳ
ୟୁପି ୱାରିୟର୍ସ: କିରଣ ନଭଗିର, ଗ୍ରେସ୍ ହ୍ୟାରିସ୍, ବ୍ରିନ୍ଦା ଦିନେଶ, ଦୀପ୍ତି ଶର୍ମା (ଅଧିନାୟିକା), ଶ୍ୱେତା ସେହରାୱତ, ଉମା ଚେତ୍ରୀ, ଚିନେଲି ହେନରୀ, ସାଇମା ଠାକୁର, ଆଲାନା କିଙ୍ଗ୍, ସୋଫି ଏକ୍ଲେଷ୍ଟୋନ୍, କ୍ରାନ୍ତି ଗୌଡ଼ ।
ଗୁଜରାଟ: ବେଥ୍ ମୁନି, ଡି. ହେମଲତା, ହର୍ଲିନ ଦେଓଲ, ଆସଲି ଗାର୍ଡନର (ଅଧିନାୟିକା), ଫୋଏବ ଲିଚଫିଲ୍ଡ, ଡିଣ୍ଡ୍ରା ଡଟିନ, କାଶଭୀ ଗୌତମ, ଭାରତୀ ଫୁଲମାଳି, ତନୁଜା କନୱାର, ମେଘନା ସିଂ/ ରାଜେଶ୍ୱରୀ ଗାଏକୱାଡ୍, ପ୍ରିୟା ମିଶ୍ରା
