ନୂଆଦିଲ୍ଲୀ,୦୩/୦୩: ଆଇସିସି ଚାମ୍ପିଅନ୍ସ ଟ୍ରଫି ସେମିଫାଇନାଲ ଲାଇନ୍ ଅପ୍ ଚୂଡାନ୍ତ ହୋଇଛି । ଆସନ୍ତାକାଲି (ମଙ୍ଗଳବାର) ଭାରତ ଓ ଅଷ୍ଟ୍ରେଲିଆ ମଧ୍ୟରେ ପ୍ରଥମ ସେମି ଫାଇନାଲ ମ୍ୟାଚ ଖେଳାଯିବ । ଦ୍ବିତୀୟ ସେମିଫାଇନାଲ ନ୍ୟୁଜିଲାଣ୍ଡ ଓ ଦକ୍ଷିଣ ଆଫ୍ରିକା ମଧ୍ୟରେ ହେବ । ୧୦ ବର୍ଷ ପୂର୍ବେ ଯାହା ହୋଇଥିଲା ପୁଣି ଥରେ ଠିକ୍ ସେମିତି ହେବାକୁ ଯାଉଛି । ଆଇସିସି ଦିନିକିଆ ଟୁର୍ଣ୍ଣାମେଣ୍ଟରେ ଆଉ ଏକ ସମାନ୍ ସେମିଫାଇନାଲ ଦେଖିବାକୁ ମିଳିବ । କଣ ସମାନ ପରିଣାମ ହେବ କି ? ଆଗାମୀ ୪୮ ଘଣ୍ଟା ବେଶ୍ ଗୁରୁତ୍ବପୂର୍ଣ୍ଣ । ତେବେ କଣ ସେହି ୧୦ ବର୍ଷ ପୁରୁଣା ସେମି ସମୀକରଣ । ଜାଣନ୍ତୁ ଏହି ରିପୋର୍ଟରେ ।

ବାଂଲାଦେଶ, ପାକିସ୍ତାନ ଓ ନ୍ୟୁଜିଲାଣ୍ଡକୁ ହରାଇ ସେମିରେ ଏଣ୍ଟ୍ରି କରିଛି ରୋହିତ ସେନା । ଗ୍ରୁପ-ଏ ଟେବୁଲ ଟପରେ ରହିଛି ଇଣ୍ଡିଆ । ଆସନ୍ତାକାଲି ଅଷ୍ଟ୍ରେଲିଆ ବିପକ୍ଷରେ ସେମିଫାଇନାଲ ଖେଳିବ ଭାରତ । ସେହିପରି ଅନ୍ୟ ଏକ ସେମିରେ ମୁହାଁମୁହିଁ ହେବେ ଦକ୍ଷିଣ ଆଫ୍ରିକା ଓ ନ୍ୟୁଜିଲାଣ୍ଡ । ICC ଦିନିକିଆ ଟୁର୍ଣ୍ଣାମେଣ୍ଟରେ ୧୦ ବର୍ଷ ପୁରୁଣା ସେମିଫାଇନାଲ ରିପିଟ୍ ହେବାକୁ ଯାଉଛି । ୧୦ ବର୍ଷ ପୂର୍ବେ ଯାହା ହୋଇଥିଲା ଠିକ୍ ସେମିତି ହେବାକୁ ଯାଉଛି । 

କାରଣ ୧୦ ବର୍ଷ ତଳେ ଅର୍ଥାତ ୨୦୧୫ ବିଶ୍ବକପ ସେମିଫାଇନାଲ ଏହି ୪ ଦଳ ମଧ୍ୟରେ ଲାଇନ ଅପ୍ ହୋଇଥିଲା । ଗୋଟିଏ ଭାରତ ଓ ଅଷ୍ଟ୍ରେଲିଆ ଓ ଅନ୍ୟଟି ନ୍ୟୁଜିଲାଣ୍ଡ ଓ ଦକ୍ଷିଣ ଆଫ୍ରିକା ମଧ୍ୟରେ ଥିଲା । ୨୦୧୫ ବିଶ୍ବକପ ସେମିଫାଇନାଲରେ ଭାରତକୁ ୯୫ରନରେ ହରାଇ ଫାଇନାଲ ଟକେଟ୍ ହାତେଇଥିଲା ଅଷ୍ଟ୍ରେଲିଆ । ଦକ୍ଷିଣ ଆଫ୍ରିକା ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଇଥିବା ସେମିଫାଇନାଲରେ ଡକୱର୍ଥ ଲୁଇସ୍ ମେଥଡରେ ନ୍ୟୁଜିଲାଣ୍ଡ ୪ ୱିକେଟରେ ଜିତିଥିଲା ।

ଚାମ୍ପିଅନ୍ସ ଟ୍ରଫିରେ ୪୮ଘଣ୍ଟା ଗୁରୁତ୍ବପୂର୍ଣ୍ଣ- ଏହା ସ୍ପଷ୍ଟ ଯେ ଚାମ୍ପିଅନ୍ସ ଟ୍ରଫିରେ ଆଗାମୀ ୪୮ଘଣ୍ଟା ବେଶ୍ ଗୁରୁତ୍ବପୂର୍ଣ୍ଣ । ଅର୍ଥାତ ଆସନ୍ତା ୪ ଓ ୫ ତାରିଖ । ଏହି ଦୁଇଦିନ ସେମିଫାଇନାଲ ମ୍ୟାଚ ଖେଳାଯିବ । ଏହା ୧୦ ବର୍ଷ ପୁରୁଣା ସେମିଫାଇନାଲ ମ୍ୟାଚ ପରି ହେବ । ଭାରତ ଅଷ୍ଟ୍ରେଲିଆକୁ ହରାଇ ବଦଲା ନେବାକୁ ପ୍ରସ୍ତୁତ ରହିଛି । ୨୦୨୩ ବିଶ୍ବକପ ଫାଇନାଲର ପ୍ରତିଶୋଧ ନେବ ରୋହିତ ସେନା । ୯ ତାରିଖରେ ଖେଳାଯିବ ଚାମ୍ପିଅନ୍ସ ଟ୍ରଫି ଫାଇନାଲ ଫାଇଟ୍ ।