ନୂଆଦିଲ୍ଲୀ: ଜର୍ମାନୀର ହାମବର୍ଗର ଟ୍ରେଣ୍ଡି ଷ୍ଟର୍ନସାଙ୍ଗ ଜିଲ୍ଲାରେ ଦ୍ୱିତୀୟ ବିଶ୍ୱଯୁଦ୍ଧ ବେଳର ଏକ ବୋମା ମିଳିଛି । ବୋମା ମିଳିବା ଖବରକୁ ନେଇ ସମଗ୍ର ଅଞ୍ଚଳରେ ଆତଙ୍କ ଖେଳିଯାଇଛି । ପୋଲିସ ଉକ୍ତ ଅଞ୍ଚଳରେ ପହଞ୍ଚି ଘରୁ ଲୋକମାନଙ୍କୁ ଅନ୍ୟତ୍ର ସ୍ଥାନାନ୍ତର କରିଛି। ପାଞ୍ଚ ହଜାର ଲୋକଙ୍କୁ ଏହି ଅଞ୍ଚଳରୁ ନିରାପଦରେ ଅନ୍ୟତ୍ର ସ୍ଥାନାନ୍ତର କରାଯାଇଛି । ଏହା ପରେ ପୋଲିସ ଏବଂ ଅଗ୍ନିଶମ ବିଭାଗ ଏହି ବୋମାକୁ ନିଷ୍କ୍ରିୟ କରିଛନ୍ତି ।
ସୂଚନା ମୁତାବକ ହାମବର୍ଗର ଏକ ଜିଲ୍ଲାରେ ଏକ ବୋମା ଜବତ ହୋଇଥିବା ପୋଲିସ ସୂଚନା ପାଇଥିଲା । ଏଠାରେ ଏକ ପ୍ରାଥମିକ ବିଦ୍ୟାଳୟରେ ନିର୍ମାଣ କାର୍ଯ୍ୟ ସମୟରେ ଦ୍ୱିତୀୟ ବିଶ୍ୱଯୁଦ୍ଧର ବୋମା ମିଳିଥିବା ସୂଚନା ମିଳିଥିଲା। ପୋଲିସ ଏବଂ ଅଗ୍ନିଶମ ଦଳ ଘଟଣାସ୍ଥଳରେ ପହଞ୍ଚି ଘର, ବାର୍ ଏବଂ ରେଷ୍ଟୁରାଣ୍ଟକୁ ଅନ୍ୟତ୍ର ସ୍ଥାନାନ୍ତର କରିଛନ୍ତି। ଏହି ସମୟ ମଧ୍ୟରେ ରେଳ ପରିବହନ ମଧ୍ୟ ବନ୍ଦ ହୋଇଯାଇଥିଲା। ଏହି ଅଞ୍ଚଳରୁ ପାଞ୍ଚ ହଜାର ଲୋକଙ୍କୁ ନିରାପଦରେ ସ୍ଥାନାନ୍ତର କରାଯାଇଛି। ଏହା ପରେ ୩୦ ମିନିଟ ମଧ୍ୟରେ ବୋମାକୁ ନିଷ୍କ୍ରିୟ କରାଯାଇଥିଲା ।
ଏହା ପୂର୍ବରୁ ଜାପାନର ଏକ ବିମାନବନ୍ଦରରେ ଦ୍ୱିତୀୟ ବିଶ୍ୱଯୁଦ୍ଧର ବୋମା ବିସ୍ଫୋରଣ ହୋଇଥିଲା । ଏହା ବିମାନବନ୍ଦରରେ ଉତ୍ତେଜନା ସୃଷ୍ଟି ହୋଇଥିଲା । ଏହି ଦୁର୍ଘଟଣା ପରେ ୮୦ ରୁ ଅଧିକ ବିମାନକୁ ବାତିଲ କରିବାକୁ ପଡିଥିଲା। ବିସ୍ଫୋରଣ ହୋଇନଥିବା ବୋମା ଗୁଡିକ ଜାପାନରେ କ୍ରମାଗତ ଭାବେ ବିପଦ ହୋଇ ରହିଛି । ପରିବହନ ମନ୍ତ୍ରଣାଳୟ ଅନୁଯାୟୀ, ଯୁଦ୍ଧ ଶେଷ ହେବାର ୭୯ ବର୍ଷରୁ ଅଧିକ ସତ୍ତ୍ୱେ ମିୟାଜାକି ବିମାନବନ୍ଦରରେ ପୂର୍ବରୁ ଅନେକ ବିସ୍ଫୋରଣ ହୋଇନଥିବା ବୋମା ମିଳିଥିଲା।
