ପରଜଙ୍ଗ,୨୭ା୩(ଆପ୍ର): ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ବସୋଇ ଶିବ ମନ୍ଦିରରେ ଗୁରୁବାର ପୂର୍ବାହ୍ଣରେ ଏକ ଅଭାବନୀୟ ଘଟଣା ଘଟିଛି । ଟାଇଁ ଟାଇଁ ଖରାରେ କାମ କରୁଥିବା ଜଣେ ଶ୍ରମିକ ଟଳି ପଡ଼ିଛନ୍ତି । ଘଟଣାସ୍ଥଳରେ ତାଙ୍କ ଜୀବନ ଯାଇଥିବା ବେଳେ ଅଂଶୁଘାତରେ ତାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତକ ହେଲେ କଙ୍କିଳି ଗାଁର ଦୁଷ୍ମନ୍ତ ବିଶ୍ୱାଳ (୪୮) ।
ଦୁଷ୍ମନ୍ତ ଶ୍ରମିକ ଭାବେ ମନ୍ଦିରରେ କାର୍ଯ୍ୟ କରୁଥିବା ବେଳେ ହଠାତ ଅସୁସ୍ଥ ଅନୁଭବ କରିଥିଲେ । ତଳେ ଖସିପଡ଼ିଥିଲେ । ସହଯୋଗୀମାନେ ତାଙ୍କୁ ତୁରନ୍ତ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ପରଜଙ୍ଗ ପୁଲିସ ପହଞ୍ଚି ଶବ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିବା ସହିତ ଅଧିକ ତଦନ୍ତ ଜାରି ରଖିଛି ।
