ଭୁବନେଶ୍ୱର ୧୦/୦୩: ଆତ୍ମହତ୍ୟାର ହଟ୍ସ୍ପଟ ପାଲଟିଛି ମହାନଦୀ ବ୍ରିଜ୍। ଚାଉଁରପୁର ଦ୍ବିତୀୟ ସେତୁ ଉପରେ ଚପଲ ରଖି ଡେଇଁପଡିଲେ ମହିଳା। ଘଟଣାସ୍ଥଳରେ ଚାଲିଗଲା ମହିଳାଙ୍କ ଜୀବନ। ତେବେ କାହିଁକି ଡେଇଁଲେ କାରଣ ଅସ୍ପଷ୍ଟ ରହିଥିବା ବେଳେ ମହିଳାଙ୍କ ପରିଚୟ ମିଳିନି। ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ତେବେ ବ୍ରିଜ ଉପରେ ଆତ୍ମହତ୍ୟା ବଢୁଥିବା କାରଣରୁ ସୁରକ୍ଷା ବୃଦ୍ଧି ପାଇଁ ସାଧାରଣରେ ଦାବି ଉଠିଛି।
ସୂଚନା ମୁତାବକ, ସେମାବର ସମ୍ବଲପୁରର ଚାଉଁପୁର ଦ୍ବିତୀୟ ସେତୁରୁ ଜଣେ ମହିଳା ଆତ୍ମହତ୍ୟା କରିଛନ୍ତି। ତେବେ ଆତ୍ମହତ୍ୟା ପଛରେ କଣ କାରଣ ରହିଛି ତାହା ଜଣାପଡିନାହିଁ। ବ୍ରିଜ୍ ଉପରେ ପଡିଥିବା ଚପଲ ଜବତ କରିଥିବା ବେଳେ ମୃତଦେହ ଉଦ୍ଧାର ପରେ ବ୍ୟବଚ୍ଛେଦ ପାଇଁ ପଠାଯିବ ବୋଲି ସୂଚନା ମିଳିଛି। ସେପଟେ ଆଗରୁ ମଧ୍ୟ ଅନେକ ମହିଳା ଏହି ବ୍ରିଜରୁ ଡେଇଁଥିବା ବେଳେ ଆତ୍ମହତ୍ୟାର ହଟ୍ ସ୍ପଟ ପାଲଟିଗଲାଣି ଏହି ବ୍ରିଜ। ଏହା ରୋକିବା ସାଧାରଣରେ ଦାବି ଉଠିଛି।
