ଗୋପାଳପୁର ୨୭/୬: ଗୋପାଳପୁର ସିଗିଡ଼ି ସାହି ଜଗନ୍ନାଥ ମନ୍ଦିରରେ ୩ ଠାକୁରଙ୍କୁ ନୀତିକାନ୍ତି ଭାବେ ପୂଜାର୍ଚ୍ଚନା ହୋଇଥିଲା। କନ୍ଧ ମହାପାତ୍ର ଛେରା ପହରା କରିଥିଲେ l ଆଖପାଖ ଅଞ୍ଚଳର ବହୁ ଭକ୍ତଙ୍କ ଭିଡ଼ରେ ଘଣ୍ଟ, ହୁଳହୁଳି, ବାଜାରେ ୩ ଠାକୁରଙ୍କୁ ପହଣ୍ଡି କରି ରଥ ଉପରକୁ ଅଣା ଯାଇଥିଲା l ପରେ ବଡ଼ ସାହି ଛକ ସ୍ଥିତ ଅସ୍ଥାୟୀ ମାଉସୀ ମା ମନ୍ଦିରକୁ ଅଣାଯାଇଥିଲା l ମନ୍ଦିର କମିଟିର ସଭାପତି ଏମ. ପୋତନା, ସମ୍ପାଦକ ହରିହର ସାହୁ, ବିନୋଦ ଦାଶ, ଗାଣ୍ଡୁ ପାତ୍ର, ପଞ୍ଚୁ ବେହେରା,ଏ. ଜାନକୀ ରାମ,ଏମ. ଚନ୍ଦ୍ର ଶେଖର ପ୍ରମୁଖ ପରିଚାଳନାରେ ସହଯୋଗ କରିଥିଲେ l ପୁରୋହିତ ଲକ୍ଷଣ ପଣ୍ଡା, ଜଗନ ଦାଶ ପୂଜାର୍ଚ୍ଚନାର ଦାୟିତ୍ୱ ତୁଲାଇଥିଲେ l ଭିଡ଼କୁ ନଜରରେ ରଖି ଗୋପାଳପୁର ପୁଲିସ ମୁତୟନ ହୋଇଥିଲେ l