ଥୁଆମୂଳ ରାମପୁର, ୨୯/୫( ଆ.ପ୍ର): କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ଥାନା ଅନ୍ତର୍ଗତ କୋଷାବୋରା ଗ୍ରାମର ଏକ କୂଅରୁ   ମହିଳାଙ୍କ ଶବ ଉଦ୍ଧାର କରାଯାଇଛି । ଏହା ଆତ୍ମହତ୍ୟା ନା ସୁପରିକଳ୍ପିତ ହତ୍ୟା କାରଣ ଅସ୍ପଷ୍ଟ ରହିବା ସହ ଏହି ଘଟଣା ସାମ୍ନାକୁ ଆଲିବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି । ପ୍ରାପ୍ତ ସୂଚନାରୁ ପ୍ରକାଶ ଯେ, ଥୁଆମୂଳ ରାମପୁର ଥାନା ଅନ୍ତର୍ଗତ କୋଷାବୋରା ଗ୍ରାମର ରଞ୍ଜନ ନାଏକଙ୍କ ସ୍ତ୍ରୀ ତମାଳ ନାଏକଙ୍କ ମୃତଦେହ ନିକଟରେ ଥିବା କୁଅରେ ଭାସୁଥିବା ନେଇ ଲୋକେ ଜାଣିବାକୁ ପାଇଥିଲେ । ଏନେଇ ପୁଲିସକୁ ଖବର ମିଳିବା ପରେ ପୁଲିସ ଘଟଣା ସ୍ଥଳରେ ପହଞ୍ଚି କୂଅରୁ ଶବକୁ ଉଦ୍ଧାର କରି ସାଇଣ୍ଟିଫିକ ଟିମ ସହିତ ତଦନ୍ତ ଚଳାଇଛି । ଅନ୍ୟ ପକ୍ଷରେ ଏହା ଆତ୍ମହତ୍ୟା ନା ସୁପରିକଳ୍ପିତ ହତ୍ୟା ତାହା ତଦନ୍ତ ପରେ ହିଁ ଜଣା ପଡିବ ବୋଲି ପୁଲିସ ସୂଚନା ଦେଇଛି।