ବଲାଙ୍ଗୀର, ୨୫/୦୭ : ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ରେଡ୍। ବଲାଙ୍ଗୀର ଲୋୟର ସୁକତେଲ ପ୍ରୋଜେକ୍ଟର ଚିଫ୍ କଷ୍ଟ୍ରକ୍ସନ ଇଞ୍ଜିନିୟର ସୁନୀଲ ରାଉତଙ୍କ ଘରେ ରେଡ୍ ହୋଇଛି। ଏକକାଳୀନ ୯ଟି ସ୍ଥାନରେ ରେଡ୍ କରୁଛି ଭିଜିଲାନ୍ସ।

ସୂଚନାନୁଯାୟୀ, ସୁନୀଲ ରାଉତଙ୍କ ଭୁବନେଶ୍ୱର ନୀଳାଦ୍ରି ବିହାରରେ ଥିବା ଘର, ନୟାପଲ୍ଲୀ ସ୍ଥିତ ଦୋମହଲା ଘର, ପୁରୀ ଭିଆଇପି ରୋଡ୍ ସ୍ଥିତ ଫ୍ଲାଟ୍, ଗ୍ରାଣ୍ଡ ରୋଡ୍‌ରେ ଥିବା ଫ୍ଲାଟ୍, କଟକ ଗୁରୁଡ଼ିଝାଟିଆସ୍ଥିତ ପୈତୃକ ଘର, ଅନୁଗୁଳ କିଶନ ନଗର ସ୍ଥିତ ସମ୍ପର୍କୀୟଙ୍କ ଘର, ନୟାପଲ୍ଲୀ ସ୍ଥିତ ସମ୍ପର୍କୀୟଙ୍କ ଘର, ବଲାଙ୍ଗୀର ଘର ଓ ଅଫିସ ଚାମ୍ବରରେ ଏକକାଳୀନ ଚଢାଉ ଚାଲିଛି। ସ୍ପେଶାଲ ଜଜ୍ ଭୁବନେଶ୍ୱରଙ୍କ ନିର୍ଦ୍ଦେଶ କ୍ରମେ ୨ ଅତିରିକ୍ତ ଏସପିଙ୍କ ନେତୃତ୍ଵରେ ୮ଜଣ ଡିଏସପି, ୬ ଇନ୍ସପେକ୍ଟର, ୧୦ ଏଏସଆଇ ଓ ଅନ୍ୟାନ୍ୟ ଷ୍ଟାଫ ସକାଳୁ ଚଢ଼ାଉ ଜାରି ରଖିଛନ୍ତି।