ଫିରିଙ୍ଗିଆ, ୫।୧୧  କନ୍ଧମାଳ ଜିଲ୍ଲା ଫୁଲବାଣୀ ବିଧାୟକ ଉମାଚାରଣ ମଲିକ୍ ମଙ୍ଗଳବାର ଫିରିଙ୍ଗିଆ ବ୍ଲକ ର ଉପାନ୍ତ ଅଞ୍ଚଳ ସାଡୀଙ୍ଗିଆ ଓ ସୁମେରବନ୍ଧ ପଞ୍ଚାୟତରେ ବିଭିନ୍ନ ପ୍ରକଳ୍ପ ଉଦଘାଟନ କରିଛନ୍ତି I 

ବିଧାୟକ ଫିରିଙ୍ଗିଆ ବ୍ଲକ ସୁମେରବନ୍ଧ ପଞ୍ଚାୟତ ର କଟାଙ୍ଗୀ ଠାରେ ଥିବା ଐତିହାସିକ ଗୁମ୍ଫା ଓ ଶୈବପିଠ ଦର୍ଶନ କରିବା ସହ ଏହି ଐତିହାସିକ ପର୍ଯ୍ୟଟନ ସ୍ଥଳୀ ର ଉନ୍ନତିକରଣ ପାଇଁ ସ୍ଥାନୀୟ ଜନସାଧାରଣ ଙ୍କ ସହ ଆଲୋଚନା କରିଥିଲେ I ପରେ ଡମାଙ୍ଗପଦର ଠାରେ ଅନୁଷ୍ଠିତ କରାଯାଇଥିବା ଆଞ୍ଚଳିକ ଫୁଟବଲ ପ୍ରତିଯୋଗିତାରେ ମୁଖ୍ୟ ଅତିଥି ଭାବରେ ଯୋଗ ଦେଇ ପ୍ରତିଯୋଗିତା ଉଦଘାଟନ କରିଥିଲେ I ଶେଷରେ ବିଧାୟକ ସାଡୀଙ୍ଗିଆ ଠାରେ ନୂତନ ଭାବରେ ନିର୍ମାଣ କରାଯାଇଥିବା ପଞ୍ଚାୟତ ସଭାଗୃହ କୁ ଉଦଘାଟନ କରିଥିଲେ I ଏହାସହ ବିଧାୟକ ଏହି ସାଡୀଙ୍ଗିଆ ଓ ସୁମେରବନ୍ଧ ଅଂଚଳର ଶିକ୍ଷା ସ୍ୱାସ୍ଥ୍ୟ ଓ ଗମନାଗମନର ଉନ୍ନତି ପାଇଁ ଜନସାଧାରଣଙ୍କ ସହ ଆଲୋଚନା କରିଥିଲେ I 

ଏହି ଅବସରରେ ଅଂଚଳର ଅନେକ ଲୋକ ନିଜ ନିଜ ସମସ୍ୟା ବିଷୟରେ  ବିଧାୟକଙ୍କ ପାଖରେ ଗୁହାରି କରିଥିଲେ ଏବଂ ବିଧାୟକ ମଧ୍ୟ ଲୋକଙ୍କ ଅଭିଯୋଗ ଗୁଡିକ ଗ୍ରହଣ କରି ସମସ୍ୟା ଗୁଡିକ ର ସମଧାନ ଦିଗରେ ଚେଷ୍ଟା କରିବି ବୋଲି ପ୍ରତିଶୃତି ଦେଇଥିଲେ I ଅନ୍ୟପଟେ ବିଧାୟକ ଙ୍କ ଏହି ଗସ୍ତ ସମୟରେ ସଂସଦ ପ୍ରତିନିଧି ଗୋଲକ ବିହାରୀ କହଁର, ବିଧାୟକ ପ୍ରତିନିଧି ପ୍ରଶାନ୍ତ କମ୍ପ,  ଯୁବ ବିଜେପି ନେତା ରଘୁପତି କହଁର ଉପସ୍ଥିତ ଥିଲେ I