ନୂଆଦିଲ୍ଲୀ,୨୮।୧୧:  ଉତ୍ତରକାଶୀ ସିଲକ୍ୟାରା ସୁଡଙ୍ଗରେ ଫଶିଥିବା ଶ୍ରମିକଙ୍କୁ ବାହାର କରିବା ପାଇଁ ସବୁ ପ୍ରକାର ଚେଷ୍ଟା ଚାଲିଛି।ଜୋରଦାର ଚାଲିଛି ରେସ୍କ୍ୟୁ ଅପରେସନ୍। ମେସିନ୍‌ ଭାଙ୍ଗିବା ପରେ ଚାଲିଛି ମାନୁଆଲି ଡ୍ରିଲିଂ। ୧୭ ଦିନ ହେବ ଜୀବନ ସହ ସଂଗ୍ରାମ କରୁଥିବା ଶ୍ରମିକଙ୍କୁ ଉଦ୍ଧାର କରିବାରେ ମେସିନ୍ ଯଦିଓ ଫେଲ୍‌ ମାରିଛି, କିନ୍ତୁ ମଣିଷର ସାହାସ ଫେଲ୍‌ ମାରିନି। ଟନେଲ ଭିତରେ ଫଶିଥିବା ୪୧ ଶ୍ରମିକ ଓ ରେସ୍କ୍ୟୁ ଟିମ୍‌ ମଧ୍ୟରେ ଆଉ ମାତ୍ର ୨-୩ ମିଟରର ଦୂରତା ବାକି ରହିଛି। ଯଦି କୌଣସି ବାଧା ନ ଉପୁଜେ ତେବେ ଖୁବଶୀଘ୍ର ସମସ୍ତ ଶ୍ରମିକ ଟନେଲ ଭିତରୁ ବାହାରକୁ ବହାରି ଆସିବେ ବୋଲି ଆଶା କରାଯାଉଛି। ପରିବାର ଲୋକଙ୍କୁ ମଧ୍ୟ ପାଖକୁ ଆସିବାକୁ କୁହାଯାଇଛି। 

କୁହାଯାଉଛି ଖୁବ୍ ଶୀଘ୍ର ଶ୍ରମିକଙ୍କୁ ସୁଡଙ୍ଗ ଭିତରୁ ବାହାର କରିନିଆଯିବ। ସେଥିପାଇଁ ଗ୍ରୀନ୍ କରିଡର ତିଆରି କରିବାର କାମ ମଧ୍ୟ ପୁରା ହୋଇସାରିଛି। ଏହି ଗ୍ରୀନ୍ କରିଡର ଦେଇ ଶ୍ରମିକଙ୍କୁ ହସ୍ପିଟାଲ ନିଆଯିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ମଙ୍ଗଳବାର ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମିଙ୍କୁ ଫୋନ୍‌ କରି ଶ୍ରମିକଙ୍କ ଉଦ୍ଧାର କାର୍ଯ୍ୟ ବିଷୟରେ ପଚାରି ବୁଝିଛନ୍ତ

#WATCH | Uttarkashi (Uttarakhand) tunnel rescue | Visuals from the Silkyara tunnel where the operation to rescue 41 workers is ongoing.

First visuals of manual drilling ongoing inside the rescue tunnel. Auger machine is being used for pushing the pipe. So far about 2 meters of… pic.twitter.com/kXNbItQSQR

— ANI (@ANI) November 28, 2023

ଉଲ୍ଲେଖନୀଯେ, ଅଗର ମେସିନ୍ ର ଭଗ୍ନାଂଶ ବାହାର କରିବା ପରେ ସୋମବାର ରାତିରୁ ମାନୁଆଲ ଡ୍ରିଲିଂ ଚାଲିଛି। ନ୍ୟୁଜ ଏଜେନ୍ସି ଏନଏନ୍‌ଆଇର ଏହାର ଏକ ଭିଡିଓ ଜାରି ରହିଛି, ଯେଉଁଥିରେ କିଛି ଶ୍ରମିକ ମେସିନ୍‌ଠାରୁ ଅଧିକ ଜୋରରେ ନିଜ ହାତକୁ ଚଳାଉଥିବାର ଭିଡିଓ ରହିଛି। ଏହାର ପ୍ରଥମ ଭିଡିଓ ମଧ୍ୟ ସାମ୍ନାକୁ ଆସିଛି। ଏଥିରେ ରେସ୍କ୍ୟୁ ଟିମ୍‌ର କିଛି ସଦସ୍ୟ ପାଇପ୍‌ ଭିତରୁ ମାଟି ବାହାରକୁ କାଢ଼ି ଆଣୁଥିବା ଦେଖିବାକୁ ମିଳିଛି। ଅଗର ମେସିନ୍‌ ଫେଲ୍‌ ହେବା ପରେ ‘ରେଟ୍‌ ମାଇନର୍ସ’ ରେସ୍କ୍ୟୁ କାମରେ ଲାଗିଛନ୍ତି। ଏମାନେ ମେସିନ୍‌ ଠାରୁ ମଧ୍ୟ ହାତରେ ଦ୍ରୁତ ଗତିରେ କାମ କରୁଛନ୍ତି। ଆଉ ଖୁବ୍ ଶୀଘ୍ର ଶ୍ରମିକଙ୍କୁ ବାହାରକୁ ଆଣିବ।

Also Read :-

ଉତ୍ତରକାଶୀ ଟନେଲ ଟ୍ରାଜେଡି: ଅନ୍ଧାରିଆ ସୁଡ଼ଙ୍ଗରେ ୧୪ ଘଣ୍ଟିଆ ଶିଫ୍, ଶ୍ରମ ଅନୁସାରେ ମିଳୁନି ପାରିଶ୍ରମିକ