ନୂଆଦିଲ୍ଲୀ: ଉତ୍ତରପ୍ରଦେଶର ତାଜ ନଗରୀ ଅର୍ଥାତ୍ ଆଗ୍ରା ଠାରେ ଏକ ବଡ଼ ଦୁର୍ଘଟଣା ଘଟିଛି। ସେଠାକୁ ଯାତ୍ରା କରିବା ସମୟରେ ଏକ ସେନା ବିମାନ ଆକାଶରେ ହୁ ହୁ ହୋଇ ଜଳିବା ଆରମ୍ଭ କରିଛି। ନିଆଁ ବଢିବା କାରଣରୁ ବିମାନଟି ଏକ କ୍ଷେତରେ କ୍ରାସ୍ କରିଯାଇଛି। ଦୁର୍ଘଟଣା ସମୟରେ ପାଇଲଟ୍ ଏବଂ ବିମାନରେ ଥିବା ଅନ୍ୟ ଜଣେ ବ୍ୟକ୍ତି ଡେଇଁପଡି ସେମାନଙ୍କ ଜୀବନ ରକ୍ଷା କରିଛନ୍ତି । ବିମାନଟି ଭୂମିରେ ପଡ଼ିବା ମାତ୍ରେ ଏହା ନିଆଁରେ ସମ୍ପୂର୍ଣ୍ଣ ଭାବେ ଜଳି ଯାଇଛି । ଆଗ୍ରାର କାଗାରାଲ ଅଞ୍ଚଳର ସୋଙ୍ଗା ଗ୍ରାମ ନିକଟରେ ଅବସ୍ଥିତ ଖାଲି ପଡ଼ିଆରେ ଏହି ଦୁର୍ଘଟଣା ଘଟିଛି।
A MiG-29 fighter jet has crashed near Agra, Uttar Pradesh. The pilot has ejected from the plane. The plane had taken off from Adampur in Punjab and was en route to Agra for an exercise when the incident happened. More details awaited. Court of Inquiry to be ordered: Defence… pic.twitter.com/L6a7zxaBbV
— ANI (@ANI) November 4, 2024
ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପ୍ରଶାସନ ଏବଂ ସୁରକ୍ଷା ଏଜେନ୍ସିର ଅଧିକାରୀ ମାନେ ଘଟଣାସ୍ଥଳରେ ପହଞ୍ଚିଥିଲେ। ସ୍ଥାନୀୟ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଛି। ବିମାନଟି କ୍ଷେତରେ ପଡ଼ିଥିବାର ଦେଖି ଗାଁର ଲୋକମାନେ ମଧ୍ୟ ସେଠାରେ ପହଞ୍ଚିଥିଲେ । ବିମାନରେ ନିଆଁ ଏବଂ ଜଳୁଥିବା ଫଟୋଗୁଡ଼ିକ ଲୋକଙ୍କ ମଧ୍ୟରେ ଭୟ ସୃଷ୍ଟି କରିଛି । ଦୁର୍ଘଟଣା ପରେ ତୁରନ୍ତ ଅନୁସନ୍ଧାନ ପାଇଁ ନିର୍ଦ୍ଦେଶ ଜାରି କରାଯାଇଛି ଏବଂ ସମସ୍ତ ସମ୍ପୃକ୍ତ ଏଜେନ୍ସିକୁ ସତର୍କ କରାଯାଇଛି ଯାହା ଦ୍ବାରା ଘଟଣାର ପୁଙ୍ଖାନୁପୁଙ୍ଖ ଅନୁସନ୍ଧାନ କରାଯାଇପାରିବ।
