ନୂଆଦିଲ୍ଲୀ,୦୫/୧୧: ହରିୟାଣାରେ ମର୍ମନ୍ତୁଦ  ସଡକ ଦୁର୍ଘଟଣା ।  ସୋହନା ଏକ୍ସପ୍ରେସୱେରେ  ଡିଭାଇଡରକୁ ଧକ୍କା ଦେଲା ଏକ ଦ୍ରୁତଗାମୀ କାର । ଫଳରେ କାରରେ ବସିଥିବା  ଦୁଇଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ତିନି ଜଣ ଗୁରୁତର ଆହତ ହୋଇଛନ୍ତି। ତେବେ ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। 

ପୋଲିସ ର ସୂଚନା ମୁତାବକ, ଟାଟା ଆଲଟ୍ରୋଜ କାରର ଡ୍ରାଇଭର ଗାଡି ଉପରେ ନିୟନ୍ତ୍ରଣ ହରାଇ କାରଟି ପ୍ରଥମେ ଇଲେକ୍ଟ୍ରିକ୍‌ ପୋଲକୁ ଧକ୍କା ଦେଇଥିଲା । ପରେ ହୋଣ୍ଡା ସିଟି ରାସ୍ତାର ଅପର ପାର୍ଶ୍ୱରେ ପାର୍କିଂ ହୋଇଥିବା ଅନ୍ୟ ଏକ କାରକୁ ଧକ୍କା ଦେଇଥିଲା। ଯେଉଁ କାରଣରୁ ଜଣେ ବାଇକ ଆରୋହୀ ମଧ୍ୟ ଏଥିରେ ଆହତ ହୋଇଥିଲେ। ତେବେ ମୃତକଙ୍କ ବୟସ ୧୯ ବର୍ଷ ହୋଇଥିବା ବେଳେ ସେମାନେ ଦିଲ୍ଲୀର ଘିଟରୋନି, ବାସିନ୍ଦା ଏବଂ ଗୁରୁଗ୍ରାମର ନାଥପୁର ନିବାସୀ ଅକ୍ଷତ ବୋଲି ଚିହ୍ନଟ ହୋଇଛନ୍ତି। ଏମାନେ ସେମାନଙ୍କର ଅନ୍ୟ ଜଣେ ବନ୍ଧୁ ଧ୍ରୁବଙ୍କ ସହ ବିଶ୍ଵବିଦ୍ୟାଳୟ ଯାଉଥିବା ବେଳେ ଦ୍ରୁତଗତିରେ ଗାଡି ଚଳାଉଥିବା ଯୋଗୁଁ ଏହି ଦୁର୍ଘଟଣା ଘଟିଥିଲା।  ସେହିପରି ଅନ୍ୟ ଦୁଇ ଆହତଙ୍କ ମଧ୍ୟରେ ୩୪ ବର୍ଷୀୟ ମୋହିତ ଏବଂ ୩୮ ବର୍ଷିୟ ଇଶ୍ଵର  ସିଭିଲ ହସ୍ପିଟାଲରେ ଭର୍ତ୍ତି ହୋଇଛନ୍ତି। ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ ଜାରି ରଖିଥିବା ସୂଚନା ମିଳିଛି।