ପାଟନା – ନିଟ୍ ପେପର ଲିକ୍ ମାମଲାରେ ପ୍ରତିଦିନ ନୂଆ ନୂଆ ଖୁଲାସା ହେବାରେ ଲାଗିଛି। ଏବେ ଏହି କେସ୍ରେ ରବି ଅତ୍ରି ଗ୍ୟାଙ୍ଗର ନାଁ ସାମନାକୁ ଆସିଛି। ରବି ଅତ୍ରି ବର୍ତ୍ତମାନ ଉତ୍ତର ପ୍ରଦେଶର ମିରଟ ଜେଲ୍ରେ ବନ୍ଦୀ ଅଛି। କୁହାଯାଉଛି କି ତାର ଗ୍ୟାଙ୍ଗ୍ ପାଟନା ଓ ନାଳନ୍ଦାର ବର୍ଡରରୁ ନିଟ୍ ପରୀକ୍ଷା ପେପର ଲିକ୍ କରାଇ ଥିଲା। ପୂର୍ବରୁ ତାର ନାଁ ୟୁପିରେ ଅନେକ ପରୀକ୍ଷା ପେପର ଲିକ୍ରେ ରହିଛି। କହି ରଖୁଛୁ କି, ୟୁପି ପୁଲିସ୍ ଭର୍ତ୍ତି ପରୀକ୍ଷାର ପେପର ଲିକ୍ର ସେ ମଧ୍ୟ ମାଷ୍ଟରମାଇଣ୍ଡ।
ନ୍ୟୁଜ୍ ୧୮ ସୂତ୍ରାନୁସାରେ, ଦାବି କରାଯାଇଛି କି, ଏବେ ରବି ଅତ୍ରୀର ନାଁ ନିଟ୍ ପେପର ଲିକ୍ରେ ସାମନାକୁ ଆସିଛି। ଅତୁଲ ବତ୍ସ ଓ ସଞ୍ଜୀବ ମୁଖିଆ ନାମରେ ତାର ବିହାରରେ ଦୁଇ ଜଣ ସାଥି ଅଛନ୍ତି। ଅତୁଲ ମୂଳତଃ ଜହାନାବାଦ ଜିଲ୍ଲାରେ ରହେ , ଏବେ ସେ ଫେରାର। ସଞ୍ଜିବ ମୁଖିଆକୁ ଇଓୟୁ ଗିରଫ କରି ସାରିଛି।
ରିପୋର୍ଟ ମୁତାବିକ, ପାଟନା ଓ ନାଳନ୍ଦାର ସୀମାରୁ ନିଟ୍ର ପେପର ଲିକ୍ ହେବାର ପ୍ରମାଣ ଇଓୟୁକୁ ମିଳିଛି। କୁହାଯାଉଛି କି ପରୀକ୍ଷାର ଗୋଟିଏ ଦିନ ପୂର୍ବରୁ ସାଲ୍ୱର ଗ୍ୟାଙ୍ଗ୍କୁ ନିଟ୍ର ପେପର ମିଳି ଯାଇଥିଲା। ପାଟନାର ଏକ ସ୍କୁଲ ଓ ହଷ୍ଟେଲରେ ନିଟ୍ ପରୀକ୍ଷାର୍ଥୀଙ୍କୁ ଏକାଠି କରି ସେମାନଙ୍କୁ ପ୍ରଶ୍ନ ପତ୍ର ବଣ୍ଟା ଯାଇଥିଲା।
କୁହାଯାଉଛି କି, ରବି ଅତ୍ରି ଗ୍ରେଟର ନୋଏଡାର ଲିମକା ଗାଁରେ ରୁହନ୍ତୁ। ସେ ୨୦୦୭ରେ ମେଡିକାଲର ପ୍ରସ୍ତୁତି କରିବାକୁ କୋଟା ଯାଇ ଥିଲେ, କିନ୍ତୁ ସେଠାରେ ସାଲ୍ୱର ଗ୍ୟାଙ୍ଗର ସଂପର୍କରେ ଆସି ଥିଲେ। ଏହା ପରେ ସେ ପାଠପଢା ମଝିରେ ହିଁ ଛାଡ଼ି ଦେଲେ ଏବଂ ସେ ପେପର ଲିକ୍ ଓ ପରୀକ୍ଷାରେ ଜାଲିଆତି କରିବା କାମରେ ଲାଗିଗଲେ।
