ୱାଶିଂଟନ,୨୧/ ୧: ଶକ୍ତିଶାଳୀ ହେବ ଇସ୍ରାଇଲ । ଲଢିବାକୁ ଦେଶକୁ ମିଳିବ ବଳ । ସାଥ ଦେବେ ଡୋନାଲ୍ଡ ଟ୍ରମ୍ପ । ଯାହା ଜୋ ବାଇଡେନ କରି ନଥିଲେ ତାହା ଟ୍ରମ୍ପ ସରକାର କରିବେ । ଆମେରିକାର ୪୭ତମ ରାଷ୍ଟ୍ରପତି ଭାବେ ଶପଥ ନେଇଛନ୍ତି ଡୋନାଲ୍ଡ ଟ୍ରମ୍ପ । ପୁଣି ଫେରିଛି ଟ୍ରମ୍ପ ଶାସନ । ଦ୍ବିତୀୟ ଥର ହ୍ବାଇଟ ହାଉସ ଫେରିଛନ୍ତି ଡୋନାଲ୍ଡ ଟ୍ରମ୍ପ । ଆମେରିକାର ନୂଆ ବସ ଟ୍ରମ୍ପ ହେବା ପରେ ଅନେକ ପରିବର୍ତ୍ତନ ହେବା ନେଇ ଆକଳନ କରାଯାଉଛି । ଦୀର୍ଘ ଦିନ ହେବ ଗାଜାରେ ଇସ୍ରାଇଲ ଓ ହମାସ ଓ ଋଷ ୟୁକ୍ରେନ ଯୁଦ୍ଧ ବନ୍ଦ କରିବା ନେଇ ବଡ ପଦକ୍ଷେପ ନେଇପାରନ୍ତି ଟ୍ରମ୍ପ ସରକାର । ତେବେ ଇସ୍ରାଇଲକୁ ୨୦୦୦ ପାଉଣ୍ଡ ବୋମା ଯୋଗାଇବ ଆମେରିକା । ଖୁବଶୀଗ୍ର ଗ୍ରୀନ ସିଗନାଲ ଦେଇପାରନ୍ତି ଡୋନାଲ୍ଡ ଟ୍ରମ୍ପ ।
ନ୍ୟୁଜ ଏଜେନ୍ସି ରଏଟର୍ସ ରିପୋର୍ଟ ଅନୁସାରେ, ଆମେରିକାର ୪୭ତମ ରାଷ୍ଟ୍ରପତି ଭାବେ ଡୋନାଲ୍ଡ ଟ୍ରମ୍ପ ଶପଥ ନେବା ପରେ ଇସ୍ରାଇଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ଟ୍ରମ୍ପଙ୍କୁ ଶୁଭେଚ୍ଛା ଜଣାଇଥିଲେ । ଏହାପରେ ଟ୍ରମ୍ପ ଘୋଷଣା କରିଥିଲେ ୟୁଏସ୍- ଇସ୍ରାଇଲ ମଧ୍ୟରେ ବୁଝାମାଣ ଓ ସମ୍ପର୍କ ଶିଖର ଛୁଇଁବ । ନେତନ୍ୟାହୁ ଏକ ଭିଡିଓରେ କହିଥିଲେ, ତୁମେ ଐତିହାସିକ ଅବ୍ରାହମ୍ ବୁଝାମାଣାରେ ମଧ୍ୟସ୍ଥତା କରିଛ । ଫଲରେ ଇସ୍ରାଇଲ ୪ଟି ଆରବ ଦେଶ ସହିତ ଶାନ୍ତି ପ୍ରତିଷ୍ଠା କରିଛି । ମୋର ବିଶ୍ବାସ ଅଛି ଆଗକୁ ଏକାଠୀ କାମ କରିବା । ୟୁଏସ-ଇସ୍ରାଇ ସମ୍ପର୍କକୁ ଶିଖର ଛଇଁବ । ଆମ ଦେଶ ପାଇଁ ଶାନ୍ତି ଓ ସମୃଦ୍ଧିର ନୂଆ ଯୁଗ ଆରମ୍ଭ ହେବ ।
ଏହା ବି ପଢନ୍ତୁ...ରାଷ୍ଟ୍ରପତି ଭାବେ ଶପଥ ନେଉ ନେଉ ଅଡୁଆରେ ଡୋନାଲ୍ଡ ଟ୍ରମ୍ପ, ମାମଲା ଦାୟର
ଖୁବଶୀଘ୍ର ୟୁଏସ ଗସ୍ତରେ କରିବେ ବେଞ୍ଜାମିନ୍ ନେତନ୍ୟାହୁ-ମିଳିଥିବା ରିପୋର୍ଟ ଅନୁସାରେ ଆସନ୍ତା ମାସରେ ଆମେରିକା ଗସ୍ତ କରିବା ଇସ୍ରାଇଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ । ଟ୍ରମ୍ପ ଟିମ୍ ଓ ନେତନ୍ୟାହୁ ପ୍ରଶାସନ ସହ ଆଲୋଚନା ଜାରି ରହିଛି । ଖୁବଶୀଘ୍ର ଆମେରିକା ଆସିବେ ନେତନ୍ୟାହୁ ।
ସେପଟେ ଦାୟିତ୍ବ ନେବାର ୬ ଘଣ୍ଟା ଭିତରେ ବଡ ନିଷ୍ପତ୍ତି ନେଇଛନ୍ତି ନୂଆ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ପୂର୍ବ ବାଇଡେନ ସରକାର ଲଗାଇଥିବା ୮୦ଟି ଏକଜିକ୍ୟୁଟିଭ ନିର୍ଦ୍ଦେଶକୁ ପ୍ରତ୍ୟାହାର କରାଯାଇଛି । ସବୁଠୁ ବଡ ହେଉଛି କ୍ୟାପିଟାଲ ହିଲ୍ସ ଦଙ୍ଗା ମାମଲାରେ ଅଭିଯୁକ୍ତ ମାନଙ୍କୁ ଖଲାସ କରାଯାଇଛି । କ୍ୟାପିଟାଲ ହିଲ୍ସ ବିକ୍ଷୋଭରେ ୧୫୦୦ ଅଭିଯୁକ୍ତଙ୍କୁ ଖଲାସ ନିର୍ଦ୍ଦେଶ ହୋଇଛି । ସେପଟେ ଦକ୍ଷିଣ ସୀମାରେ ଜରୁରୀ ପରିସ୍ଥିତି ଲାଗୁ ହୋଇଛି ।
