ୱାଶିଂଟନ,୨୧/ ୧: ଆମେରିକାର ୪୭ତମ ରାଷ୍ଟ୍ରପତି ଭାବେ ଶପଥ ନେଇଛନ୍ତି ଡୋନାଲ୍ଡ ଟ୍ରମ୍ପ । ଶପଥ ଗ୍ରହଣ ସମାରୋହରେ ୭୦୦ରୁ ଅଧିକ ଅତିଥି ସାମିଲ ହୋଇଥିଲେ । ୟୁଏସ କ୍ୟାପିଟାଲ ରୋଟୁଣ୍ଡାରେ ଶପଥ ଗ୍ରହଣ ଉତ୍ସବ ଆୟୋଜିତ ହୋଇଥିଲା । ଶପଥ ଗ୍ରହଣ ସମାରୋହରେ ହିଜ୍ଜବୁଲା ସମର୍ଥକ ମୁସଲିମ ନେତା ହୁସାମ ଅଲ-ହୁସେନିଙ୍କୁ ବାଦ ଦିଆଯାଇଥିଲା । ଜାଣନ୍ତୁ କାହିଁକି ।
ଡୋନାଲ୍ଡ ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବରେ ଅଲ-ହୁସେନି ସାଉଦି ସାମିଲ ହୋଇନଥିଲେ । ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବ ଭଳି ମେଗା ଇଭେଣ୍ଟରେ ଅଲ ହୁସେନିକୁ ଆର୍ଶୀବାଦ ଦେବାକୁ ନିମନ୍ତ୍ରଣ ଦିଆଯାଇଥିଲା । ମାତ୍ର ଏହାକୁ ୟୁଏସ ଟ୍ରମ୍ପ ଟ୍ରାଞ୍ଜିସନ ଟିମ ସମାଲୋଚନା କରିଥିଲା । ତେବେ ହୁସେନି ସାଉଦି ଶପଥ ଗ୍ରହଣ ସମାରୋହରେ ସାମିଲ ନ ହେବା ନିମନ୍ତ୍ରଣକୁ ବାତିଲ କରାଯାଇଥିବା ଅନୁମାନ କରାଯାଉଛି । ରିପୋର୍ଟ ଅନୁସାରେ ଅଲ-ହୁସେନି ୨୦୦୬ରେ ଡିୟରବର୍ଣ୍ଣରେ ହିଜ୍ଜାବୁଲ ସମର୍ଥକ ରାଲିରେ ଯୋଗ ଦେଇଥିଲେ । ସେଠାରେ ହିଜ୍ଜାବୁଲ ନେତା ହାସନ ନସରଲ୍ଲାଙ୍କ ସହ ଫଟୋ ଉଠାଇଥିଲେ । ଗତ ବର୍ଷ ଇସ୍ରାଇଲ ଷ୍ଟ୍ରାଇକରେ ନସରଲ୍ଲାଙ୍କ ମୃତ୍ୟୁ ହୋଇଥିଲା ।
କାହିଁକି ବିବାଦରେ ହୁସାମ ଅଲ-ହୁସେନି- ମଧ୍ୟପ୍ରାଚୀର ଫୋରମ୍ ରିପୋର୍ଟ ଅନୁସାରେ ଅଲ-ହୁସେନି କଠୋରପନ୍ଥୀ ବିରୋଧୀ ହିଜ୍ଜବୁଲା ସମର୍ଥକ ସିଆ ଇମାମ ଉଗ୍ରବାଦ ସହ ସମ୍ପର୍କ ରହିଥିଲା । ୨୦୧୫ରେ କାରବାଲ ଇସଲାମିକ ଏଜୁକେସନାଲ ରାଲିରେ ଅଲ-ହୁସେନି ସାଉଦି ଆରବ ମୃତ୍ୟୁ କାମନା କରିଥିଲା । ୨୦୦୭ରେ ଡେମୋକ୍ରାଟିକ କମିଟି ବୈଠକରେ ଦେଇଥିବା ଭାଷଣରେ ଆମେରିକା ଅତ୍ୟାଚାରୀ ଓ ଦଖଲକାରୀ ବୋଲି କହିଥିଲା । ଏହାକୁ ନେଇ ବିବାଦ ଉପୁଜିଥିଲା ।
