ୱାଶିଂଟନ,୨୧/ ୧: ଶପଥ ନେଉ ନେଉ ଅଡୁଆରେ ଟ୍ରମ୍ପ । ତାଙ୍କୁ ମକଦ୍ଦମାର ସାମ୍ନା କରିବାକୁ ପଡିଛି । ଆମେରିକାର ନୂଆ ରାଷ୍ଟ୍ରପତି ଶପଥ ନେବାର କିଛି ଘଣ୍ଟା ଭିତରେ ହିଁ ଡୋନାଲ୍ଡ ଟ୍ରମ୍ପଙ୍କ ମୁସ୍କିଲ ବଢିଛି । ଆମେରିକାର ସବୁଠୁ ବଡ କର୍ମଚାରୀ ସଂଘ ଡିଓଜିଇ ଯୋଜନାକୁ ନେଇ ଟ୍ରମ୍ପଙ୍କ ବିରୋଧରେ ମାମଲା ଦାୟର ହୋଇଛି । ଏହି ବିଭାଗର ଦାୟିତ୍ବ ଟ୍ରମ୍ପ ଆରବପତି ଏଲନ ମସ୍କଙ୍କୁ ଦେଇଥିଲେ ।
ରାଷ୍ଟ୍ରପତି ଭାବେ ଶପଥ ନେଉ ନେଉ ଡିଓଜିଇ ଯୋଜନାକୁ ନେଇ ଏଏଫଜିଇ ଏବଂ ପବ୍ଲିକ ସିଟିଜନ ଟ୍ରମ୍ପଙ୍କ ବିରୋଧରେ ମାମଲା ଦାୟର କରିଛନ୍ତି । ଏଲନ ମସ୍କ ଡିଓଜିଇର ନେତୃତ୍ବ ନେଇଛନ୍ତି । ଯାହାର ଉଦ୍ଦେଶ୍ୟ ସରକାରୀ ଖର୍ଚ୍ଚ କମ୍ କରିବା । ଆମେରିକାନ ଫେଡେରେସନ ଅଫ୍ ଗଭମେଣ୍ଟ ଇମ୍ପଲାଇଜ (ଏଏଫଜିଇ) ଏବଂ ପବ୍ଲିକ ସିଟିଜନ ଡିପାର୍ଟମେଣ୍ଟ ଅଫ୍ ଗଭମେଣ୍ଟ ଏଫିସିଏନ୍ସି ଯୋଜନାକୁ ନେଇ ଟ୍ରମ୍ପଙ୍କ ବିରୋଧରେ ମକଦ୍ଦମା ଦାୟର କରିଛି । ଟ୍ରମ୍ପ ସରକାର ପକ୍ଷରୁ ପ୍ରସ୍ତାବିତ ଡିଓଜିଇ ଯୋଜନାର ଲକ୍ଷ୍ୟ ସରକାରୀ ଖର୍ଚ୍ଚରୁ ୨ ଟ୍ରିଲିୟନ ଡଲାର କମ୍ କରିବା । ଏହି ଯୋଜନାରେ ସରକାରୀ କର୍ମଚାରୀମାନଙ୍କୁ ଚାକିରି ହରାଇବାର ଭୟ ରହିଥାଏ । ଏଫିଜିଇ କହିବା ଅନୁସାରେ ଏହି ଯୋଜନାରେ ସଂଘୀୟ ନିୟମର ପାଳନ ହେଉନାହିଁ । ଡିଓଜିଇର ଏହି କାମକୁ ଅଟକାଇବାକୁ କୋର୍ଟରେ ଅପିଲ କରିଛି ଏଫିଜିଇ ।
ଡିଓଜିଇରେ ଏଲନ ମକ୍ସଙ୍କ ଭୂମିକା : ଡିପାର୍ଟମେଣ୍ଟ ଅଫ୍ ଗଭମେଣ୍ଟ ଏଫିସିଏନ୍ସି ବିଭାଗର ଦାୟିତ୍ବ କୋଟିପରି ଏଲନ ମସ୍କଙ୍କ ଦିଆଯାଇଛି । ତାଙ୍କ ଯୋଜନାଗୁଡକ ସରକାରୀ କର୍ମଚାରୀଙ୍କ ଚାକିରୀ ଏବଂ ସେମାନଙ୍କ ହିତ ଉପରେ ପ୍ରଭାବ ପକାଇପାରେ । ଏଫଜିଇ ଏହାକୁ ବିରୋଧ କରିଛି । ଯୋଜନାରେ କାଟଛାଣ୍ଟ ସରକାରୀ କର୍ମଚାରୀଙ୍କ ପ୍ରତି ବିପଦ ସୃଷ୍ଟି କରିପାରେ ବୋଲି କହିଚଇ ଏଫିଜିଇ ।
କହି ରଖୁଛୁ କି, ହ୍ବାଇଟ ହାଉସକୁ ମିଳିଛି ନୂଆ ବସ୍ । ପୁଣି ଫେରିଛି ଟ୍ରମ୍ପ ଯୁଗ । ଆମେରିକାର ୪୭ତମ ରାଷ୍ଟ୍ରପତି ଭାବେ ଶପଥ ନେଇଛନ୍ତି ଡୋନାଲ୍ଡ ଟ୍ରମ୍ପ । ଦ୍ବିତୀୟ ଥର ପାଇଁ ଆମେରିକାର ରାଷ୍ଟ୍ରପତି ହୋଇଛନ୍ତି ଟ୍ରମ୍ପ । ପ୍ରଥମ ଦିନରେ ୨୦୦ ଆଦେଶନାମା ଜାରି କରିପାରନ୍ତି ।
