ନୂଆଦିଲ୍ଲୀ : ଆମେରିକାର ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ ପାର୍ଟିର ରାଷ୍ଟ୍ରପତି ପଦର ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଆମେରିକାରେ ବିଦେଶୀ ସ୍ନାତକଙ୍କୁ ଗ୍ରୀନ୍‌ କାର୍ଡ ଦେବାକୁ ପ୍ରତିଶ୍ରୁତି ଦେଇଛନ୍ତି। ଟ୍ରମ୍ପଙ୍କର ଏହି ପଦକ୍ଷେପ ନଭେମ୍ୱରରେ ହେବାକୁ ଥିବା ସାଧାରଣ ନିର୍ବାଚନ ପୂର୍ବରୁ ପ୍ରବାସନରେ ନେଇ ତାଙ୍କର ଆଭିମୁଖ୍ୟର ନରମ ହେବାର ଦେଖିବାକୁ ମିଳିଛି। ଏହା ପୂର୍ବରୁ ଟ୍ରମ୍ପ ବିଦେଶୀଙ୍କ ଆମେରିକାରେ ପ୍ରବାସର ନିୟମକୁ କଡ଼ାକଡ଼ି କରି ଥିଲେ।

ଟ୍ରମ୍ପ ଗୁରୁବାର ପ୍ରକାଶିତ ଏକ ପଡକାଷ୍ଟର ମାଧ୍ୟମରେ ନିଜର ମତକୁ ଦର୍ଶାଇଛନ୍ତି। ରାଷ୍ଟ୍ରପତି ଜୋ ବାଇଡେନ ଘୋଷଣା କରିଛନ୍ତି କି ଆମେରିକୀୟ ନାଗରିକଙ୍କୁ ବିବାହ କରୁଥିବା ଅଣପ୍ରବାସୀଙ୍କୁ ନାଗରିକତା ଦିଆଯିବ। ଟ୍ରମ୍ପଙ୍କର ଏହି ପ୍ରତିଶ୍ରୁତି ବାଇଡେନ୍‌ଙ୍କ ଦ୍ୱାରା ୫ ଲକ୍ଷ ଆମେରିକୀୟ ନାଗରିକଙ୍କର ଜୀବନସାଥୀଙ୍କ ପାଇଁ ଭିସା ନିୟମକୁ ସହଜ କରିବା ପରେ ଆସିଛି। 

ଉଲ୍ଲେଖନୀୟ ଯେ , ଗ୍ରୀନ୍‌ କାର୍ଡ ଆମେରିକୀୟ ନାଗରିକତା ପାଇଁ ଏକ ମହତ୍ତ୍ୱପୂର୍ଣ୍ଣ ପଦକ୍ଷେପ। ଏହା ଏକ ପରିଚୟ କାଗଜପତ୍ର, ଯାହା ଦର୍ଶାଉଛି କି, ବ୍ୟକ୍ତି ସଂଯୁକ୍ତ ରାଷ୍ଟ୍ର ଆମେରିକାରେ ସ୍ଥାୟୀ ଭାବେ ବସବାସ କରୁଛନ୍ତି। 

ଆପ୍ରବାସନ (ଇମିଗ୍ରେସନ) ଉପରେ ନିଜର ମନୋଭାବକୁ ନରମ କରି ପୂର୍ବତନ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆମେରିକୀୟ କଲେଜ୍‌ରୁ ସ୍ନାତକ କରୁଥିବା ବିଦେଶୀ ଛାତ୍ରଛାତ୍ରୀଙ୍କୁ ଗ୍ରୀନ୍‌ କାର୍ଡ ଦେବାକୁ ପ୍ରତିଶ୍ରୁତି ଦେଇଛନ୍ତି , ଏହାକି ତାଙ୍କୁ ଭାରତ ଓ ଚୀନ୍‌ ଭଳି ନିଜ ଦେଶକୁ ଫେରିବାକୁ ପଡ଼ିବ ନାହିଁ। ଟ୍ରମ୍ପ ନିଜର ପ୍ରଥମ କାର୍ଯ୍ୟକାଳର ନୀତିକୁ ଦୋହରାଇଛନ୍ତି , ଯେଉଁଥିରେ ବିଦେଶୀ ଛାତ୍ରଛାତ୍ରୀଙ୍କୁ STEM ( ବିଜ୍ଞାନ , ପ୍ରଯୁକ୍ତିବିଦ୍ୟା , ଇଂଜନିୟରିଂ ଓ ଗଣିତ) କ୍ଷେତ୍ରରେ ଉଚ୍ଚ ଶିକ୍ଷା ସଂସ୍ଥାରୁ ଡିଗ୍ରୀ ପ୍ରାପ୍ତ କରିବା ପରେ ଗ୍ରୀନ୍‌ କାର୍ଡ ସାମିଲ ଥିଲା।