ବାରିପଦା, ୧୬/୦୭ : ବାରିପଦା ସହରର ପାଲବଣି ବାଇପାସ୍ ୧୮ନଂ ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା। ସୋମବାର ବିଳମ୍ବିତ ରାତିରେ ଏକ ଟ୍ରକ୍ ଏକ ସ୍କୁଟିକୁ ଧକ୍କା ଦେଇଛି। ଫଳରେ ଘଟଣାସ୍ଥଳରେ ୨ ଜଣଙ୍କର ମୃତ୍ୟୁ ହୋଇଛି। ମୃତକ ଦୁଇ ଜଣ ଶାମାଖୁଣ୍ଟା ଶିରିଶବଣୀ ଅଞ୍ଚଳର ବୋଲି ଜଣାପଡ଼ିଛି। 

ସ୍ଥାନୀୟ ଲୋକଙ୍କ କହିବା ଅନୁଯାୟୀ, କ୍ଷୀପ୍ର ବେଗରେ ଆସୁଥିବା ଏକ ଟ୍ରକ୍ ସ୍କୁଟି ଚଳକଙ୍କ ଉପରେ ଚଢି ଯାଇଥିଲା। ପ୍ରାୟ ଦୁଇଶହ ମିଟର ଯାଏଁ ଘୋଷାଡି ନେବାରୁ ସ୍କୁଟିଟି ସମ୍ପୂର୍ଣ୍ଣ ଭାଙ୍ଗି ଯାଇଥିବା ବେଳେ ଜଣଙ୍କର ମୃତଦେହ ରାସ୍ତାରେ ମିଶି ଯାଇଥିଲା। ଓଭର ବ୍ରିଜର ଭୁଲ୍ ପ୍ଲାନ୍ ଯୋଗୁଁ ଏଭଳି ଦୁର୍ଘଟଣା ଘଟୁଛି। ଓଭର ବ୍ରିଜକୁ କାଠପାଳ ପର୍ଯ୍ୟନ୍ତ ସମ୍ପ୍ରସାରିତ କରି ପାଲବଣୀ ବାଇପାସ୍ ଠାରେ ଏକ ଅଣ୍ଡର ପାସ ନିର୍ମାଣ ପାଇଁ ଦାବି ହେଉଥିଲେ ବି ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷ ଏ ସମ୍ପର୍କରେ କର୍ଣ୍ଣପାତ କରୁ ନଥିବାରୁ ଏଭଳି ପରିସ୍ଥିତି ଉପୁଜୁଛି। ତେବେ ଦୁର୍ଘଟଣା ଘଟିବା ପରେ କିଛି ସମୟ ପାଇଁ ଗାଡି ଚଳାଚଳ ବ୍ୟାହତ ହୋଇଥିଲା। ସେପଟେ ବାରିପଦା ଟାଉନ ପୁଲିସ ଘଟଣା ସ୍ଥଳରେ ପହଞ୍ଚିବା ପରେ ମୃତଦେହ ଦୁଇଟି ଉଦ୍ଧାର କରି ଅଧିକ ତଦନ୍ତ ଜାରି ରଖିଛି।