ବ୍ରହ୍ମପୁର,୧୦।୧୦ : ୧୬  ନଂ ଜାତୀୟ ରାଜପଥ  ଭାଲିଆଗଡ଼ ନିକଟରେ ଗତ ୧ ତାରିଖରେ   କୁନା ସ୍ୱାଇଁଙ୍କ ମୃତଦେହ ଉଦ୍ଧାର କରାଯାଇଥିଲା। ଏହି ଘଟଣାର ପର୍ଦ୍ଦାଫାଶ କରିଛି ପୋଲିସ । ଟ୍ରକ ଡ୍ରାଇଭର ଓ ହେଲପରକୁ ପୋଲିସ ଗିରଫ କରିଛି। ଟଙ୍କା  ଚୋରି ସନ୍ଦେହରେ କୁନାଙ୍କୁ ପିଟି ପିଟି ହତ୍ୟା କରାଯାଇଥିବା ବ୍ରହ୍ମପୁର ଏସପି ସୂଚନା ଦେଇଛନ୍ତି।

ସୋରଡ଼ା ଥାନା ଅମୃତୁଲୁ ଗାଁର କୁନା ସ୍ୱାଇଁଙ୍କୁ ହତ୍ୟା କରି ଜାତୀୟ ରାଜପଥରେ ମୃତଦେହ  ପକାଯାଇଥିଲା। ଗତ ୧ ତାରିଖରେ କୁନାଙ୍କ ମୃତଦେହ ପୋଲିସ ଉଦ୍ଧାର କରିବା ସହ ଏକ ହତ୍ୟା ମାମଲା ରୁଜୁ କରି ତଦନ୍ତ କରିଥିଲା।  ଟ୍ରକ ଡ୍ରାଇଭର ଓ ହେଲପର ହତ୍ୟା କରିଥିବା ପୁଲିସର ତଦନ୍ତରୁ ଜଣା ପଡିଥିଲ। ପରେ ଘଟଣାରେ ସମ୍ପୃକ୍ତ ଟ୍ରକର ଗାଡି ଚାଳକ ଓ ହେଲପରକୁ ଗୋଳନ୍ଥରା ପୁଲିସ ଗିରଫ କରିଥିଲା। ପଚରାଉଚରା ବେଳେ ୧୦ ହଜାର ଟଙ୍କା ଚୋରି କରିଥିବା ନେଇ ସନ୍ଦେହ କରି କୁନାଙ୍କ ହାତକୁ ବାନ୍ଧି ପିଟିପିଟି ମାରି ଦେଇଥିବା ପୁଲିସର ତଦନ୍ତରୁ ଜଣା ପଡିଛି। ଟ୍ରକ, ହତ୍ୟାକାଣ୍ଡରେ ସମ୍ପୃକ୍ତ ସରଞ୍ଜାମ, ତିନୋଟି ମୋବାଇଲ ଫୋନ ପୋଲିସ ଜବତ କରିଛି।