ସୁନ୍ଦରଗଡ଼, ୨୦/୧୨ : ହୁତୁହୁତୁ ହୋଇ ଜଳିଗଲା କୋଇଲା ବୋଝେଇ ଟ୍ରକ୍। ସୁନ୍ଦରଗଡ଼ ସଦର ଥାନା ଅନ୍ତର୍ଗତ ସାର୍ଥକ ସ୍କୁଲ ନିକଟରେ ଏକ କୋଇଲା ବୋଝେଇ ଟ୍ରକ୍ ଜଳି ଯାଇଛି। ଡ୍ରାଇଭର୍ ଗାଡିରୁ ଡେଇଁ ପଡିବା ଯୋଗୁଁ ତାଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି।
ସୂଚନାନୁଯାୟୀ, ଏମସିଏଲ ରୁ କୋଇଲା ନେଇ ଏକ ଟ୍ରକ୍ ସୁନ୍ଦରଗଡ଼ ପଟକୁ ଆସୁଥିଲା। ସଦର ଥାନା ଅନ୍ତର୍ଗତ ସାର୍ଥକ ସ୍କୁଲ ନିକଟରେ ଟ୍ରକ୍ଟି ହଠାତ୍ ଜଳି ଯାଇଥିଲା। ତେବେ ଡ୍ରାଇଭର ଗାଡିରୁ ଡେଇଁ ପଡ଼ିବା ଫଳରେ ତାଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି। ନିଆଁ ଲାଗିବାର କାରଣ ଅସ୍ପଷ୍ଟ ରହିଛି। ସଟ୍ ସର୍କିଟ୍ ହୋଇ ନିଆଁ ଲାଗିଥିବା ଅନୁମାନ କରାଯାଉଛି। ଖବର ପାଇ ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ୍ତ କରିଛି।
