ନୀଳଗିରି,୨୯/୧୨ : ବାଲେଶ୍ୱର ଜିଲ୍ଲା ନୀଳଗିରି ଷ୍ଟାଡିଅମ ପରିସରରେ ଚାଲିଥିବା ମହାବୀର ରାଜ୍ୟସ୍ତରୀୟ କ୍ରିକେଟ୍ ଟୁର୍ଣ୍ଣାମେଣ୍ଟ ଆଜି ଉଦଯାପିତ ହୋଇଛି । ଫାଇନାଲରେ ବାଲେଶ୍ୱରର ବିସିଏ ଦଳକୁ ଝାଡ଼ଖଣ୍ଡର ରକମ୍ୟାନ ହରାଇ ଚାମ୍ପିୟନ ହୋଇଛି। କୌଶିକ୍ ରାୟ ମେମୋରିଆଲ ଟ୍ରଫିର ଫାଇନାଲ ମ୍ୟାଚରେ ବାଲେଶ୍ବରର ବିସିଏ ଦଳ ଟସ୍ ଜିତି ପ୍ରଥମେ ବ୍ୟାଟିଂ ପାଇଁ ନିର୍ଣ୍ଣୟ ନେଇଥିଲା। ନିର୍ଦ୍ଧାରିତ ୨୦ଓଭରରେ ୧୭. ୩ବଲରେ ସମସ୍ତ ୱିକେଟ ହରାଇ ମାତ୍ର ୭୫ରନ କରିପାରିଥିଲେ। ଗୁରୁଦିପନ ଜେନା ୨୫ବଲରୁ ୪୩ରନ କରିଥିବାବେଳେ ରକମ୍ୟାନ କ୍ଲବର ଦୁର୍ଦ୍ଦଶ ବୋଲିଂ ଆଗରେ ବିସିଏ କ୍ଲବର ବ୍ୟାଟ୍ସମ୍ୟାନମାନେ ଧରାଶାୟୀ ହୋଇଯାଇଥିଲେ।
ଅନ୍ମୋଲ ରାଜ ଦଳ ପକ୍ଷରୁ ୩ୱିକେଟ୍ ନେଇଥିବାବେଳେ ନକୁଲ ଯାଦବ ୨ୱିକେଟ୍ ନେଇଥିଲେ । ପରେ ବ୍ୟାଟିଂ ଆରମ୍ଭ କରି ରକମ୍ୟାନ ଦଳର ଓପନିଂ ବ୍ୟାଟ୍ସମ୍ୟାନ ପ୍ରଥମ ବଲରେ ଓ୍ବିକେଟ ହରାଇଥିଲା। ପରେ ୭.୩ଓଭରରେ ୨ ୱିକେଟ୍ ହରାଇ ୭୯ରନ କରି ବିଜୟୀ ହୋଇଥିଲେ। ମ୍ୟାନ ଅଫ ଦ ମ୍ୟାଚ ଓ ବେଷ୍ଟ ବୋଲର ଅନ୍ମୋଲ୍ ରାଜ ହୋଇଥିବାବେଳେ ମ୍ୟାନ ଅଫ ସିରିଜ ନକୁଲ ଯାଦବଙ୍କୁ ସମ୍ମାନିତ କରିଥିଲେ। ବିସିଏ ଦଳର ଗୁରୁଦିପନ୍ ଜେନାଙ୍କୁ ବେଷ୍ଟ ଫିଲ୍ଡର ଭାବେ ଘୋଷଣା କରାଯାଇଥିଲା। ଫାଇନାଲ ମ୍ୟାଚକୁ ଓସିଏର ପ୍ୟାନେଲ ଅମ୍ପାୟର ପ୍ରାଣନାଥ ଜେନା ଏବଂ ପ୍ରତାପ ପାତ୍ର ପରିଚାଳନା କରିଥିଲେ । ଆଜିର ଫାଇନାଲ ମ୍ୟାଚକୁ ନୀଳଗିରି ବିଧାୟକ ମୁଖ୍ୟ ଅତିଥିଭାବେ ଯୋଗଦେଇ ଉଦଘାଟନ କରିଥିବାବେଳେ ଦୁଇ ଦଳର ଖେଳାଙ୍କୁ କରମର୍ଦନ କରି ଉତ୍ସାହିତ କରିଥିଲେ।
ସେହିପରି ଉଦଯାପନୀ ଉତ୍ସବରେ ଅତିଥିଭାବେ ଏନଏସି ଅଧ୍ୟକ୍ଷ ମହେନ୍ଦ୍ରନାଥ ବେହେରା, ସାଂସଦଙ୍କ ବ୍ୟକ୍ତିଗତ ସହାୟକ ଯୋଗଦେଇ ନିଜର ବହୁ ମୂଲ୍ୟ ବକ୍ତବ୍ୟ ରଖିବା ସହ ଚମ୍ପିୟନ ଟିମକୁ ୩୦ହଜାର ଓ ରନର୍ସଅପ ଦଳକୁ ୨୦ ହଜାର ଟଙ୍କା ପୁରସ୍କୃତ କରିଥିଲେ। ମହିଳା ଭାଷ୍ୟକାର ମିସ ସିମରନ ଏବଂ କ୍ଲବର ସଦସ୍ୟ ଗୋପୀ ନନ୍ଦ, ସବ୍ୟସାଚୀ ମହାପାତ୍ର, ମଦନ ମୋହନ ବେହେରା, ଦିବ୍ୟରଞ୍ଜନ ମହାପାତ୍ର ଏବଂ ଭାସ୍କର ବିଶ୍ୱାଳ ଉପସ୍ଥାପନା କରିଥିଲେ। ଏହି ଟୁର୍ଣ୍ଣାମେଣ୍ଟରେ କ୍ଲବର ସଭାପତି କୁମାର ରାୟ, ସମ୍ପାଦକ ସୂର୍ଯ୍ୟକାନ୍ତ ବିଶ୍ଵାଳ, କୋଷାଧ୍ୟକ୍ଷ ସବ୍ୟସାଚୀ ମହାପାତ୍ର, କ୍ଲବର ବରିଷ୍ଠ ସଦସ୍ୟ ସୁଶାନ୍ତ ବିଶ୍ଵାଳ ଓରଫ ନିଲୁ, ଅଜିତ ନାୟକ, ବ୍ରଜକିଶୋର ପାଣି, ଚନ୍ଦନ ରାୟ, ଶିବନାରୟଣ ମହାପାତ୍ର, ଉଦୟ ଜ୍ୟୋତି ମହାନ୍ତି, ବିଜୟ ଲେଙ୍କା, ରାଜେନ୍ଦ୍ର ପାତ୍ର, ଜଟିଆ ସିଂ, ପ୍ରିତିପ୍ରକାଶ ବେହେରା, ମଣ୍ଟୁ ବେହେରା, ଜ୍ୟୋତି ରଞ୍ଜନ ବରାଜ୍, ରଶ୍ମି ନନ୍ଦ, ବିରଜା ବେହେରା, ଜ୍ୟୋତି ପ୍ରକାଶ ବେହେରା, ମନୋଜ ବେହେରା , ବୈରାଗୀ ବେହେରା, ପ୍ରତାପ ସେଠି, ନିଗମ ରାଉତ, ଅବିନାଶ ନନ୍ଦ, ରବି କୁମାର ଏବଂ ଚିନ୍ମୟ ଶରଣ ରାଉତଙ୍କ ସହ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।
