ମାଲକାନଗିରି,୩୧/୧୨ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ବିଜାପୁର ଜିଲ୍ଲା ପୋଲିସ ଦ୍ୱାରା ଏକ ଲକ୍ଷ ଇନାମୀ ମାଓବାଦୀଙ୍କ ସହ ତିନି ମାଓବାଦୀ ଗିରଫ କରିଛନ୍ତି । ତଥ୍ୟ ଅନୁଯାୟୀ ବିଜାପୁର ଜିଲ୍ଲା ପାମେଡ ଥାନା ପୋଲିସ ଓ ସିଆରପିଏଫ ଜବାନ ମିଳିତ ଭାବେ ଧର୍ମାରମ ଓ ଜିଡପଲ୍ଲୀ ଅଂଚଳରେ କୁମ୍ବିଂ ଅପରେସନ କରୁଥିବା ସମୟରେ ଜିଡପଲ୍ଲୀ ଅଂଚଳରୁ ଏକ ଲକ୍ଷ ଇନାମୀ ଡିକେ ଏମଏସ୍ ଅଧ୍ୟକ୍ଷ ରାମବାବୁ ପୁନେମଙ୍କୁ ଗିରଫ କରିଥିବାବେଳେ ମିଲିସିଆ ଡେପୁଟି କମାଣ୍ଡର ଲଖମା ମାଡକାମି ଓ ହିଡମା ମାଡବିଙ୍କୁ ଗିରଫ କରିଛି । ଏହି ତିନି ଜଣ ସିଆରପିଏଫ କ୍ୟାମ୍ପ ଉପରେ ଆକ୍ରମଣ, ହତ୍ୟା ଅପହରଣ ଲୁଟ୍ ମାମଲାରେ ସାମିଲ ଥିବା ପୋଲିସ ପ୍ରକାଶ କରିଛି । ଏହି ତିନି ଜଣଙ୍କୁ ଆଜି କୋର୍ଟ ଚାଲାଣ କରାଯାଇଥିବା ପୋଲିସ ସୂତ୍ରରୁ ପ୍ରକାଶ ।