ଦଶରଥପୁର , ୧୬/୫ : କୁଆଖିଆ -କଁୟାଗୋଲା ୨୦ ନଂ ଜାତୀୟ ରାଜପଥ ଅନ୍ତର୍ଗତ ଝୁମ୍ପୁରୀ ବଜାର ସନ୍ନିକଟ ଭାରତ ପେଟ୍ରୋଲିୟମ ପେଟ୍ରୋଲ ଟାଙ୍କି ନିକଟରେ ଶୁକ୍ରବାର ରାତି ପ୍ରାୟ ୧୦ଟା ସମୟରେ ଘଟିଥିବା ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଯୁବକ ଗୁରୁତର ହୋଇଥିବା ଜଣାପଡ଼ିଛି । ଆହତ ଯୁବକଙ୍କ ପରିଚୟ ଜଣାପଡ଼ିନଥିବାବେଳେ ଯୁବକ ଜଣଙ୍କ ମଙ୍ଗଳପୁର ଥାନା ଅଞ୍ଚଳର ହୋଇଥିବା ଶୁଣିବାକୁ ମିଳିଛି।
ଗୁରୁତର ଯୁବକ ନିଜ ବାଇକରେ ଯାଜପୁର ଟାଉନରୁ ୨୦ନଂ ଜାତୀୟ ରାଜପଥ ଅନ୍ତର୍ଗତ ମଙ୍ଗଳପୁର ରାସ୍ତାରେ ଆସୁଥିବାବେଳେ ନିର୍ମାଣଧୀନ ରାଜପଥ ସମ୍ପ୍ରସାରଣରେ ରହିଥିବା ତ୍ରୁଟି କାରଣରୁ ଯୁବକ ଜଣଙ୍କ ଦୁର୍ଘଟଣାର ସମ୍ମୁଖୀନ ହୋଇ ରାସ୍ତା ପାର୍ଶ୍ୱକୁ ଛିଟିକି ପଡ଼ିଥିଲେ। ଗୁରୁତର ଅବସ୍ଥାରେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିବା ବେଳେ ଅବସ୍ଥା ସଂକଟାପନ୍ନ ଥିବାରୁ ଡାକ୍ତର ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତର କରିଥିବା ଜଣାପଡ଼ିଛି ।
