ରାଜକିଶୋରନଗର, ୧୭/୬ : ଅନୁଗୁଳ ଜିଲ୍ଲା ହଣ୍ଡପା ସଂରକ୍ଷିତ ଜଙ୍ଗଲରୁ ମାରଣାସ୍ତ୍ର ସହ ଶିକାରୀ ଗିରଫ। ଅଭିଯୁକ୍ତ ଜଣଙ୍କ ହେଉଛନ୍ତି ମଧୁପୁର ଗ୍ରାମର ବିରଞ୍ଚି ବେହେରା (୪୫ ବର୍ଷ)। ବିରଞ୍ଚିଙ୍କ ନିକଟରୁ ବନ୍ଧୁକ ସହ ବିଭିନ୍ନ ମାରଣାସ୍ତ୍ର ଜବତ ହୋଇଛି। ଗିରଫ ଅଭିଯୁକ୍ତଙ୍କୁ ଆଠମଲ୍ଲିକ କୋର୍ଟ ଚାଲାଣ କରାଯାଇଛି। 

ସୂଚନାନୁଯାୟୀ, ମଧୁପୁର ଗ୍ରାମର ବିରଞ୍ଚି ବେହେରା ବନ୍ୟପ୍ରାଣୀ ଶିକାର କରିବାକୁ ହଣ୍ଡପା ସଂରକ୍ଷିତ ଜଙ୍ଗଲରେ ମାରଣାସ୍ତ୍ର ସହ ବୁଲୁଥିଲେ। ଏତିକି ବେଳେ ବନ ବିଭାଗ ହାବୁଡ଼ରେ ପଡ଼ିଥିଲେ। ହଣ୍ଡପା ସେକ୍ସନ ବନପାଳ ସୁବ୍ରତ କୁମାର ଶତପଥୀ, ସ୍କ୍ୱାର୍ଡ ଗଜେନ୍ଦ୍ର ବେହେରା, ମହାବାହୁ ଛତ୍ରିଆ ପ୍ରମୁଖ ଜଙ୍ଗଲରେ ଚଢ଼ାଉ କରି ଅଭିଯୁକ୍ତ ବିରଞ୍ଚିକୁ ଗିରଫ କରିଥିଲେ। ତାଙ୍କ ନିକଟରୁ ଟାଙ୍ଗିଆ, ଛୁରୀ, ଦିଆସିଲି ଏବଂ ଏକ ଦେଶୀ ବନ୍ଧୁକ ଜବତ ହୋଇଛି। ଗିରଫ ଅଭିଯୁକ୍ତଙ୍କୁ ଆଠମଲ୍ଲିକ କୋର୍ଟ ଚାଲାଣ କରାଯାଇଛି।