ବଡ଼ବିଲ,୨୦/୭ :  ବଡ଼ବିଲ ମେନ୍ ରୋଡଠାରେ ଥିବା ରୁଙ୍ଗଟା ମାଇନ୍ସ କାର୍ଯ୍ୟାଳୟରେ ଅଘଟଣ । ନେଟୱର୍କ ଟାୱାର ଭାଙ୍ଗି ଗଳି ପଡ଼ିବାରୁ ଜଣଙ୍କର ମୃତ୍ୟୁ ଘଟିଛି । ସୂଚନା ଅନୁଯାୟୀ, ଆଜି ଅପରାହ୍ନରେ ଅଫିସ ବିଲ୍ଡିଂ ଉପରେ ଥିବା   ନେଟୱର୍କ ଟାୱାର ଉପରେ ଚଢ଼ି ଜଣେ କର୍ମଚାରୀ କାମ କରୁଥିଲାବେଳେ ହଠାତ୍ ଟାୱାରଟି ଭାଙ୍ଗି ତଳକୁ ଗଳିପଡ଼ିଥିଲା । ଫଳରେ ପାଖରେ ଥିବା ଏକ ଆଜବେଷ୍ଟସ ଘର ଉପରେ ପଡ଼ିଥିଲା, ପରେ ଟାୱାର କର୍ମଚାରୀଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା । ମୃତକ କଟକ ବାରଙ୍ଗ ଅଂଚଳର ଶଶୀଭୂଷଣ ଓଝା ବୋଲି କୁହାଯାଉଛି । ଏ  ସମ୍ପର୍କରେ କମ୍ପାନୀ କର୍ତ୍ତୃପକ୍ଷଙ୍କ ସହ ଯୋଗଯୋଗ କରାଯାଇଥିଲେ ବି କୌଣସି ପ୍ରତିକ୍ରିୟା ମିଳିପାରିନାହିଁ । ବଡ଼ବିଲ ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।