ଗ୍ରୀଷ୍ମ ଋତୁ ଆରମ୍ଭ ହୋଇଗଲାଣି। ଏହି ଋତୁରେ କେବଳ ବାହାରର ତାପମାତ୍ରା ବଢ଼ିବାକୁ ଲାଗେ ନାହିଁ ବରଂ ଘର ଭିତରର ତାପମାତ୍ରା ମଧ୍ୟ ବଢ଼ିବାକୁ ଲାଗେ । ଏପରି ପରିସ୍ଥିତିରେ ଘରକୁ ଥଣ୍ଡା ରଖିବା ସ୍ୱାଭାବିକ ଭାବରେ ଏକ ବଡ଼ ଚ୍ୟାଲେଞ୍ଜ ହୋଇଯାଏ । ଯଦିଓ ଏସି ଏବଂ କୁଲରଗୁଡ଼ିକ ତୁରନ୍ତ ଆରାମ ପ୍ରଦାନ କରନ୍ତି, କିନ୍ତୁ ଘରକୁ ଦୀର୍ଘ ସମୟ ପର୍ଯ୍ୟନ୍ତ ଥଣ୍ଡା ରଖିବା ବହୁତ କଷ୍ଟକର ହୋଇପଡ଼େ । ଏପରି ପରିସ୍ଥିତିରେ ଆପଣ ଆପଣଙ୍କ ଘରେ କିଛି ଗଛ ଲଗାଇପାରିବେ, ଯାହା ଘରକୁ ଥଣ୍ଡା କରିପାରିବ। ଆସନ୍ତୁ ଜାଣିବା ଘରକୁ ଥଣ୍ଡା ରଖୁଥିବା କିଛି ଗଛ ବିଷୟରେ-
ଆଲୋଭେରା ସାହାଯ୍ୟରେ ଘରକୁ ଥଣ୍ଡା କରନ୍ତୁ-
ଆଲୋଭେରା କେବଳ ଚର୍ମ ଏବଂ କେଶ ପାଇଁ ଲାଭଦାୟକ ନୁହେଁ ବରଂ ଏହା ଘର ଚାରିପାଖର ପରିବେଶକୁ ଥଣ୍ଡା କରିବାର କ୍ଷମତା ମଧ୍ୟ ରଖେ । ଏହାର ପତ୍ର ଘନ ହୋଇଥିବାରୁ ଆର୍ଦ୍ରତା ବଜାୟ ରଖେ ଏବଂ ଏହା ଚାରିପାଖର ତାପମାତ୍ରାକୁ ସନ୍ତୁଳିତ ରଖେ।
ଘରକୁ ଥଣ୍ଡା ରଖିବା ପାଇଁ ସ୍ପାଇଡର ପ୍ଲାଣ୍ଟ ଲଗାନ୍ତୁ-
ସ୍ପାଇଡର ପ୍ଲାଣ୍ଟ କେବଳ ବାୟୁକୁ ଶୁଦ୍ଧ କରେ ନାହିଁ ବରଂ ଆର୍ଦ୍ରତା ବଜାୟ ରଖି ଘରର ପରିବେଶକୁ ମଧ୍ୟ ଥଣ୍ଡା କରିଥାଏ। ଏହାକୁ ରକ୍ଷଣାବେକ୍ଷଣ କରିବା ସହଜ ଏବଂ ଘରର ଯେକୌଣସି କୋଣରେ ଲଗାଯାଇପାରିବେ।
ଘରକୁ ଥଣ୍ଡା ରଖିବ ସ୍ନେକ ପ୍ଲାଣ୍ଟ-
ସ୍ନେକ ପ୍ଲାଣ୍ଟ ରାତିରେ ମଧ୍ୟ ଅମ୍ଳଜାନ ଛାଡିଥାଏ, ଯାହା ଘରର ତାପମାତ୍ରାକୁ ନିୟନ୍ତ୍ରଣ କରି ରଖିବାରେ ସାହାଯ୍ୟ କରିଥାଏ । ଏହି ଗଛଟି ଘରର ତାପ ଶୋଷଣ କରି କୋଠରୀକୁ ପ୍ରାକୃତିକ ଭାବରେ ଥଣ୍ଡା କରିଥାଏ।
ଘରର ତାପମାତ୍ରା କମାଏ ତୁଳସୀ-
ତୁଳସୀ ଗଛ ଆୟୁର୍ବେଦିକ ଔଷଧ ଭାବରେ ଜଣାଶୁଣା । କେବଳ ସେତିକି ନୁହେଁ ଏହା ବାୟୁକୁ ଶୁଦ୍ଧ କରି ଥଣ୍ଡା ରଖିବାରେ ସାହାଯ୍ୟ କରିଥାଏ । ଏହାର ସୁଗନ୍ଧ ପରିବେଶକୁ ମଧ୍ୟ ସତେଜ କରିଥାଏ । ଏହା ସହିତ ଏହାର ପତ୍ର ଶରୀରର ଅନେକ ପ୍ରକାରର ସମସ୍ୟା ଦୂର କରିବା ପାଇଁ ବ୍ୟବହୃତ ହୁଏ ।
ଆର୍ଦ୍ରତା ବଜାୟ ରଖେ ଏରିକା ପାମ୍-
ଏରିକା ଗଛ ଏକ ପ୍ରାକୃତିକ ଭାବବେ ଆର୍ଦ୍ରତା ପ୍ରଦାନ କରିଥାଏ । ଏହା ବାୟୁରେ ଆର୍ଦ୍ରତା ବଜାୟ ରଖେ ଏବଂ ପାରିପାର୍ଶ୍ୱିକ ତାପମାତ୍ରାକୁ ହ୍ରାସ କରେ।
