ଦଶପଲ୍ଲା, ୦୩/୦୭ : ବିଶ୍ୱ ପ୍ରସିଦ୍ଧ ରଥଯାତ୍ରା ପାଇଁ ଦଶପଲ୍ଲାରୁ ପୁରୀକୁ ଗଡ଼ିବ ୩ଟି ସ୍ୱତନ୍ତ୍ର ଟ୍ରେନ । ଘୋଷ ଯାତ୍ରା ଦେଖିବା ଲାଗି ପ୍ରବଳ ଜନସମାଗମକୁ ଦୃଷ୍ଟିରେ ରଖି ଦକ୍ଷିଣ- ପୂର୍ବ ରେଳପଥ ପକ୍ଷରୁ ୩ଟି ସ୍ୱତନ୍ତ୍ର ଟ୍ରେନ ଚଳାଚଳ କରାଯିବାକୁ ନିଷ୍ପତ୍ତି ନିଆଯାଇଛି । ରେଳ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଚଳିତ ମାସ ୭ ତାରିଖରେ ୦୮୩୩୫ ନଂ ଦଶପଲ୍ଲା-ପୁରୀ ସ୍ୱତନ୍ତ୍ର ଟ୍ରେନ ରାତି ୨ଟାରେ ଛାଡ଼ିବ । ସେହି ଟ୍ରେନ ରାତି ୧୨ଟା ୪୫ରେ ପୁରୀରୁ ଦଶପଲ୍ଲା ଆସିବ ।
ଟ୍ରେନ ନଂ ୦୮୩୩୭ ସକାଳ ୮ଟାରେ ଦଶପଲ୍ଲା ଛାଡ଼ିବ । ଏହି ଟ୍ରେନଟି ପୁରୀରୁ ଦିନ ୧୦ଟା ୪୫ରେ ଦଶପଲ୍ଲା ଅଭିମୁଖେ ଛାଡ଼ିବ । ସେହିପରି ନଂ ୦୮୩୯ ସ୍ୱତନ୍ତ୍ର ଟ୍ରେନ ପୂର୍ବାହ୍ନ ୧୧ଟାରେ ଦଶପଲ୍ଲା ଛାଡ଼ିବ । ସେହି ଟ୍ରେନ ଅପରାହ୍ଣ ୨ଟାରେ ଦଶପଲ୍ଲା ଅଭିମୁଖେ ପୁରୀରୁ ବାହାରିବ । ତେବେ ଏହି ୩ଟି ସ୍ୱତନ୍ତ୍ର ଟ୍ରେନ୍ ଆସନ୍ତା ୭ ତାରିଖରୁ ୧୬ ତାରିଖ ପର୍ଯ୍ୟନ୍ତ ଚାଲିବ ବୋଲି ଜଣାପଡିଛି । ଦୈନିକ ଚାଲୁଥିବା ଟ୍ରେନ ସମୟ ନିର୍ଦ୍ଧାରିତ ସମୟରେ ଚାଲୁ ରହିବ ବୋଲି ବିଭାଗୀୟ ଅଧିକାରୀ ସୂଚନା ଦେଇଛନ୍ତି ।