ଭୁବନେଶ୍ୱର, ୦୩/୦୭ : ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଓଡି଼ଶା ଗସ୍ତକୁ ନେଇ ତତ୍ପର ହୋଇଛି ରାଜ୍ୟ ପ୍ରଶାସନ । ରାଷ୍ଟ୍ରପତିଙ୍କ ସମସ୍ତ କାର୍ଯ୍ୟକ୍ରମସ୍ଥଳ ଓ ରହଣିସ୍ଥଳକୁ ନୋ ଫ୍ଲାଇଂ ଜୋନ୍ ଘୋଷଣା କରାଯାଇଛି । କାର୍ଯ୍ୟକ୍ରମସ୍ଥଳରେ ଡ୍ରୋନ୍ କିମ୍ବା ଅନ୍ୟ କୌଣସି ବିମାନ ଉଡ଼ି ପାରିବନି । ସୁରକ୍ଷା ଦୃଷ୍ଟିରୁ ଏହି କଟକଣା ଲାଗିଥିବା ରାଜ୍ୟ ଗୁଇନ୍ଦା ନିର୍ଦ୍ଦେଶାଳୟ ପକ୍ଷରୁ ସୂଚନା ଦିଆଯାଇଛି । ଏହାକୁ କଡ଼ାକଡି଼ ପାଳନ କରାଯିବ ନିର୍ଦ୍ଦେଶମାନା ଜାରି ହୋଇଛି ।
ସୂଚନାନୁଯାୟୀ, ରାଷ୍ଟ୍ରପତି ଆସନ୍ତା ୬ ତାରିଖରେ ଭୁବନେଶ୍ୱର ବିମାନବନ୍ଦରରେ ପହଞ୍ଚିବେ । ତା’ପର ଦିନ ପୁରୀ ଯାଇ ଶ୍ରୀଗୁଣ୍ଡିଚା ଯାତ୍ରା ଦେଖିବେ । ଏହାପରେ ୨ ଦିନ ଭୁବନେଶ୍ୱର ଓ ଖୋର୍ଦ୍ଧାର ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ୯ ତାରିଖ ଅପରାହ୍ଣରେ ସେ ଦିଲ୍ଲୀ ଫେରିଯିବେ ।