ଫିରିଙ୍ଗିଆ, ୫।୧୧  : ଆଦିବାସୀ ଅଧ୍ୟୁଷତ କନ୍ଧମାଳ ଜିଲ୍ଲାରେ ଏବେବି ଅନେକ ଗାଁ ରହିଛି ଯେଉଁ ଗାଁ ମାନଙ୍କୁ ଗମନାଗମନର ସୁବିଧା ପାଇଁ ଆଜି ପଯ୍ୟନ୍ତ ମଧ୍ୟ୍ୟ ଭଲ ରାସ୍ତା ଟିଏ ହୋଇ ପାରିନାହିଁ I ଏହି ରାସ୍ତା ମରାମତି ଓ ନୂତନ ରାସ୍ତା ନିର୍ମାଣ ପାଇଁ ବାରମ୍ବାର ଦାବି ହୋଇଆସୁଥିଲେ ମଧ୍ୟ୍ ପ୍ରଶାସନ ନୀରବଦ୍ରଷ୍ଟା ସାଜିଛି I ବିଶେଷ କରି ଜିଲ୍ଲାର ଦ୍ଵିତୀୟ ବୃହତ୍ତମ ବ୍ଲକ ଭାବରେ ଜଣାଶୁଣା ଫିରିଙ୍ଗିଆ ବ୍ଲକ ରେ ଏଭଳି ରାସ୍ତାଘାଟ ସମସ୍ୟା  ରହିଛି।ବ୍ଲକ ର ଗୋଛାପଡା ଅଂଚଳରେ ଥିବା କିଛି ଉପାନ୍ତ ଅଂଚଳରେ ରେ ରାସ୍ତା ନିର୍ମାଣ, ମୋବାଇଲ ନେଟୱର୍କ ସମସ୍ୟା ଓ ଲଷ୍ମୀବସ ଚଳାଚଳ ପାଇଁ ଜିଲ୍ଲାପାଳ ଙ୍କ ପାଖରେ ଦାବି କରିଛନ୍ତି କନ୍ଧମାଳ ଜିଲ୍ଲା କୁଇସମାଜ ସଭାପତି ତଥା ଲୁଇସିଂ ସରପଞ୍ଚ ସୁଦର୍ଶନ କହଁର ଓ ପାହିରେଜୁ ସରପଞ୍ଚ କେଶବ କହଁର I 

ତେବେ ଫିରିଙ୍ଗିଆ ବ୍ଲକ ସଲା ଗୁଡା ପଞ୍ଚାୟତ ର ଵଦାପାଜୁ ଠାରୁ ବାଡାବାଙ୍କୁ ଗାଁକୁ ଏକ ରାସ୍ତା ନିର୍ମାଣ ପାଇଁ କୁଇସମାଜ ସଭାପତି ଜିଲ୍ଲାପାଳ ଙ୍କ ପାଖରେ ଦାବି କରିଥିବା ବେଳେ ବ୍ଲକ ର ପାହିରେଜୁ ପଂଚାୟତ ର ପିଣ୍ଡାଙ୍ଗି ଓ ତିଲକ୍ ପାଙ୍ଗା ଗାଁରେ ନିର୍ମାଣ ହୋଇଥିବା ଟାୱାର କୁ କାର୍ଯ୍ୟକ୍ଷମ କରିବା ଓ ବ୍ଲକ ମୁଖ୍ୟାଳୟ ଠାରୁ ପାହିରେଜୁ ଗାଁ କୁ ଲଷ୍ମୀ ବସ ଚଳାଚଳ କରିବା ପାଇଁ ପାହି ରେଜୁ ସରପଞ୍ଚ କେଶବ କହଁର ଜିଲ୍ଲପାଳଙ୍କ ପାଖରେ ଦାବି କରିଛନ୍ତି I ଉଭୟ ସରପଞ୍ଚଙ୍କ ଦାବିକୁ ଗ୍ରହଣ କରି ଖୁବ ଶୀଘ୍ର ସମସ୍ୟାର ସମାଧାନ କରାଯିବ ବୋଲି କନ୍ଧମାଳ ଜିଲ୍ଲାପାଳ ଅମ୍ରିତ ଋତୁରାଜ  ପ୍ରତିଶ୍ରୁତି ଦେଇଛନ୍ତି  ।