ତୁମୁଡିବନ୍ଧ,୨/୧: ତୁମୁଡ଼ିବନ୍ଧ ବ୍ଲକ ଅଞ୍ଚଳରେ ଘର କାନ୍ଥ ପଡ଼ି ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ତୁମୁଡ଼ିବନ୍ଧ ସହର ମେଡିକାଲ ଛକ ଅଞ୍ଚଳରେ ଘଟିଛି ଏଭଳି ଘଟଣା । ମୃତକ ଜଣକ କିରିକୁଟି ଗ୍ରାମର ମାନେଶ୍ୱର ପ୍ରଧାନ ।
ରାମପୁର ଛକରେ ଥିବା ଏକ ପୁରୁଣା ଘର ନୂତନ ଭାବେ ନିର୍ମାଣ ନିମନ୍ତେ କାନ୍ଥ ଭାଙ୍ଗୁଥିବା ବେଳେ ମାନେଶ୍ଵରଙ୍କ ଉପରେ କାନ୍ଥ ପଡିଯିବାରୁ ସେ କାନ୍ଥ ତଳେ ଚାପିହୋଇ ରହି ଯାଇଥିଲେ । ଖବରପାଇ ଅଗ୍ନିଶମ ବାହିନୀ ପହଞ୍ଚି ମାନେଶ୍ୱରଙ୍କୁ ଉଦ୍ଧାର କରିବା ସହ ସଙ୍ଗେ ସଙ୍ଗେ ତୁମୁଡ଼ିବନ୍ଧ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିଲେ । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡ଼ିଛି । ମାନେଶ୍ୱର ଦାରିଙ୍ଗବାଡି ବ୍ଲକ କିରିକୁଟି ଗ୍ରାମର ଆଦିବାସୀ ସାହିର ବାସିନ୍ଦା ବୋଲି ଜଣାପଡ଼ିଛି। ସେ ଦୀର୍ଘ ୧ବର୍ଷ ହେବ ତୁମୁଡିବନ୍ଧ ଥାନା ଅନ୍ତର୍ଗତ ଜଲେଶପଟା ଗ୍ରାମରେ ଘର ଭଡା ନେଇ ରହି ଦିନ ମାଜୁରିଆ ଭାବେ କାମ କରୁଥିଲେ। ତୁମୁଡିବନ୍ଧ ପଲିସ ମୃତଦେହ ଜବତ କରିବା ସହ ଏକ ମାମଲା ରୁଜୁ କରି ବ୍ୟବଛେଦ କରିବା ପରେ ପରିବାର ଲୋକଙ୍କୁ ହସ୍ତାନ୍ତର କରିଛି।
