ବାରଙ୍ଗ, ୨୭।୨ : ଏକ କାର ଭାରସାମ୍ୟ ହରାଇ ପୁରୀ ମେନ୍ କେନାଲ ଭିତରକୁ ପଶିଯାଇଛି। ଏପରିକି କେନାଲ ପାଣିରେ ଗାଡି ଚାଳକ ସହ କାରଟି ବୁଡିଯାଇଥିଲା । ଖବର ପାଇ ଚାଳକ ସହ ଗାଡିକୁ କେନାଲ ଭିତରୁ ବାରଙ୍ଗ ଅଗ୍ନିଶମ ବାହିନୀ ଉଦ୍ଧାର କରିଛନ୍ତି। ଗୋଡିସାହିରୁ ବାରଙ୍ଗ କାରଟି ଆସୁଥିବା ବେଳେ ଦୁର୍ଘଟଣାଗସ୍ତ ହୋଇଛି।
ଗୋଡ଼ିସାହିରୁ ବାରଙ୍ଗ ଅଭିମୁଖେ ଗୋଟିଏ ସ୍ଵିଫ୍ଟ ଡିଜାୟାର କାର ଆସୁଥିଲା। ଗାଡ଼ି ଚଳାଉଥିବା କାହ୍ନୁ ଦାସଙ୍କ ମୋବାଇଲକୁ ଏକ କଲ୍ ଆସିଥିଲା । ସେ ଫୋନ୍ ରିସଭ୍ କରି କଥା ହେବା ବେଳେ ଭାରସାମ୍ୟ ହରାଇ ଗାଡ଼ିଟି ରାମଦାସ ପୁର ପଞ୍ଚାୟତ ଅଫିସ ନିକଟରେ ଥିବା ପୁରୀ ମେନ୍ କେନାଲ ଭିତରକୁ ପଶି ଯାଇଥିଲା। ଚାଳକ ସମେତ ଗାଡ଼ି ପାଣି ଭିତରେ ବୁଡିଯାଇଥିଲେ। ଏହା ଦେଖି ସ୍ଥାନୀୟ ଲୋକେ ପୁଲିସ୍ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ। ଘଟଣା ସ୍ଥଳରେ ଗୋଡ଼ିସାହି ଫାଣ୍ଡି ଅଧିକାରୀ ଓ ବାରଙ୍ଗ ଅଗ୍ନିଶମ ବାହିନୀ ପହଞ୍ଚି କାର୍ ସମେତ ଚାଳକଙ୍କୁ ଉଦ୍ଧାର କରିଥିଲେ। ପରେ ଗୁରୁତର ଥିବା କାହ୍ନୁଙ୍କୁ ୧୦୮ ଆମ୍ବୁଲାନ୍ସ ଯୋଗେ କଟକ ମେଡିକାଲ ନିଆଯାଇଥିଲା।
