ନଵରଙ୍ଗପୁର,୭/୯(ଆପ୍ର):  ନବରଙ୍ଗପୁର  ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ  ଶନିବାର ସୁଭଦ୍ରା ଯୋଜନା ସଚେତନତା ରଥର ଶୁଭାରମ୍ଭ କରାଯାଇଛି।  ମୁଖ୍ୟ ଅତିଥି  ଭାବେ ନଵରଙ୍ଗପୁର ବିଧାୟକ ଗୌରୀଶଙ୍କର ମାଝୀ, ସମ୍ମାନିତ ଅତିଥି ଜିଲ୍ଲାପାଳ ଡା.ଶୁଭଙ୍କର ମହାପାତ୍ର ପ୍ରମୁଖ ଗେରୁଆ ପତାକା ଦେଖାଇ ଏହି ରଥର  ଶୁଭାରମ୍ଭ କରିଛନ୍ତି। ମହିଳାମାନେ ଏହି ରଥକୁ ଉତ୍ସାହର ସହ ସ୍ବାଗତ  କରିବା ସହ ବିଭିନ୍ନ ପ୍ରକାର ଆକର୍ଷଣୀୟ ଝୋଟି ପକାଇଥିଲେ। 

ଆଜିଠାରୁ  ଆସନ୍ତା ୧୭ ତାରିଖ ପର୍ଯ୍ୟନ୍ତ ୬ ଟି ସୁଭଦ୍ରା ସଚେତନତା ରଥ ସାରା ଜିଲ୍ଲାର  ଗାଁ ଗାଁ ବୁଲି  ମହିଳାମାନଙ୍କୁ ସଚେତନ କରିବ । ଏଥିସହ ଜିଲ୍ଲାର  ୧୦ ଟି ବ୍ଲକ ଓ ଦୁଇଟି ନଗରରେ ବ୍ୟାନର, ପୋଷ୍ଟର, ଲିଫଲେଟ, ହୋଡିଂ, ୱାଲ୍ ପେଣ୍ଟିଂ ଓ ମାଇକ ଦ୍ଵାରା ସୁଭଦ୍ରା ଯୋଜନାର ବ୍ୟାପକ ପ୍ରଚାର ପ୍ରସାର  କରାଯାଉଛି । ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦ ବିରଞ୍ଚି ନାରାୟଣ ଦରୱାନ, ସିଡିଏମଓ ଡ।. ମଳୟ ତ୍ରିପାଠୀ,  ଡିଏସଏସଓ ସୁଧାଂଶୁ ପାତ୍ର, ଡିଏସଡବ୍ଲୁଓ ଦ୍ରୌପଦୀ କହଁର, ଡିଆଇପିଆରଓ ମନୋଜ ବେହେରା , ଡିପିସି ମମତା ବିଶ୍ୱଜିତ୍ ମହାନ୍ତି ପ୍ରମୁଖ ଯୋଗ ଦେଇଥିବା ବେଳେ ଶତାଧିକ  ଅଙ୍ଗନବାଡି କର୍ମୀ, ଏସଏଚଜି ମହିଳାମାନେ ଉପସ୍ଥିତ ଥିଲେ।